文／劉興家，中壢老街溪脣舊明里水頭伯公下，係𠊎兜兄弟姊妹个胞衣跡，這滿戴桃園學老庄順續教學老人講客話（四縣腔）

該年吾孫仔入學桃園市中山國小，知著圖書館需要當多志工𢯭手，𠊎煞煞報名參加，圖書館無麼个粗事，大部份係同書放上書架摎修修補補這兜輕可事，故所恁多年來就𠊎一個細徠仔，其他都係細妹仔。

九年前，教務主任在𠊎當值个拜五朝晨，大步行落圖書館，看著𠊎就開嘴問：「你識考過客語認證無？」𠊎講：「報告主任，𠊎通過中高級四縣、海陸、饒平、大埔四樣腔調，樣个成績全臺灣無幾多儕！」該主任聽著了後，嘴角擘到大嫲隻。

𠊎笑笑仔問：「主任有麼个指教係無？」「係恁樣形，𫣆學校有報名參加語文競賽社會組客家話字音字形尋無恁樣个人才，你來代表學校參加好無？」講煞就隨手交分𠊎一本客話字音字形範本，就恁樣𠊎開始參加社會組客家話字音字形競賽。

根據𠊎个了解，原本語文競賽盡多年來全係針對華語；下後政府實施本土化教育，將客家話演講、朗讀、字音字形納入競賽項目。

區級複賽第一名第二名做得拿著市決賽个參賽資格，市決賽第一名做得參加全國賽，這係盡大个光榮。這恁多年來𠊎輒常得著區級複賽第一名第二名。係市決賽愛得著第一名就無恁容易！

頭擺𠊎長透聽人講客話係世界性个語言，因為學習英文愛先曉得羅馬音標，故所羅馬音標也係世界通用，客話乜係用羅馬音標注音，盡多外國人用羅馬音標來學客話。前幾年𠊎研習个合唱團，請講學老話个先生教唱陳永淘先生个客家歌曲，堵著「脈」字毋曉得客話仰般發音，𠊎隨口講「mag」該學老先生一點就通，所以講曉得羅馬音標學客話就簡單加當多。

這滿个社會科學發達醫學進步，胚得著下二擺上百歲个長輩滿街就係，𠊎也長透看著老人家坐在門口呆呆看等人同車仔上上下下，佢兜根本就行毋出家門，因為外背無佢兜个舞台，故所全囥在屋肚毋出空。𠊎試著尋著自家有興趣係當重要个事情。

前幾日平鎮義民廟舉辦社區中秋節晚會，吾餔娘看著比佢較多歲个老人家，跈等節拍打太鼓表演，嗄餳著佢有想愛學習个想法，係講有兜好處分老人家來學習演講、朗讀、字音字形續等參加社會組語文競賽，恁樣，老人家就尋著自家个舞台，頭腦又毋會退化，正經係雙贏。

華語

那年鄙人孫入學桃園市中山國小，當我知道圖書館需要很多志工幫忙，我毫不猶豫就報名參加，學校圖書館並沒有很多粗活，有的是圖書上架及修修補補輕鬆的活，所以這些年來就我ㄧ個男性，其餘都是女性！

九年前，教務主任在我當值的禮拜五上午ㄧ腳踏進圖書館，看到我開口就問：「你是否曾考過客語認證？」我說：「報告主任，早些年我曾通過客語認證四縣腔、海陸腔、饒平腔、大埔腔，這樣的成績全台灣找不出幾位！」只見主任聽到以後，張開口久久合不上來。

我笑笑地問：「主任有什麼指教嗎？」「是這樣子的，本校報名參加教育局舉辦語文競賽社會組客家字音字形，本校遍尋不找這樣的人才，你來代表本校參加好嗎？」說完就隨手遞交客家字音字形範本，就這樣我ㄧ頭栽進社會組客家話字音字形競賽之中！

根據瞭解，原本舉辦語文競賽多年來完全針對華語，後來政府實施本土化教育，遂將客家話演講、朗讀、客家字音字形納入比賽項目。

區級複賽獲得第一、二名可取得市決賽參賽資格；市決賽得第一名得以參加全國賽，這是何等光榮呀！總結這些年來我參與區級複賽，成績始終徘徊在第一、二名 。若要在市決賽得第一名取得全國賽資格可沒那麼容易唷！

以前常聽說客家話是世界通用語言，因為學習英文首先要學會羅馬音標，所以羅馬音標也是世界通用，而客家話也是用羅馬音標拼音，有許多外國人就是利用羅馬音標來學習客家話的呀！前幾年我研習的合唱團請到講閩南話的老師，教唱客家子弟陳永淘老師的客家歌曲，歌曲有一個「脈」不會發客家音，我隨口說（mag）只見那講閩南話的老師秒懂，所以說通曉羅馬音標學起客家話就很容易入門！

現代社會科學發達、醫學進步，可預期的是將來百歲翁滿街跑，我也常見老人家坐在自門口癡呆的看著行人車輛來來往往，他們根本走不出自家大門，因為外面沒有他們的舞台，所以全窩在家裡。我感覺找到自己興趣是很重要的事情。

前幾天平鎮義民廟舉辦中秋節晚會，內人看到舞台上年紀比自己年長的老人跟著音樂節拍打擊太鼓表演，居然興起想學習的念頭。我在想如果有些誘因讓老人家學習客語演講、朗讀、字音字形，並鼓勵參加社會組語文競賽，不僅可找到自己的舞台，也可以預防腦部退化，真可謂雙贏呀！