文／鄧筠柔，桃園市楊梅人，係台北科大附屬桃園農工體育班一年生个學生仔，客語文曾馨儀先生指導寫作（四縣腔）

𠊎係客家妹，讀小學一年生該下，𠊎正開始學講客家話，𠊎頭擺毋曉講，也聽毋識，發音也無正確，但係客語先生一步一步耐心教𠊎兜，學客家拼音，唱客家歌，還帶𠊎兜出去參加客語歌謠比賽，暑假个時節，𠊎還會參加客家个夏令營活動，學客家人个傳統文化同飲食習慣，有時還會親手做擂茶、攣花布，慢慢仔，𠊎越來越好上客語課，乜對客家文化產生還較大个興趣。

每擺上課个時節，先生會講：「細人仔好！」大家就愛回答：「先生好！」每擺聽著先生用客語問候大家个時節，就會感覺著心情變到當好，上課个氣氛乜變到當親切。轉到屋下，𠊎會同阿公阿婆講客家話，雖然有成時講毋正，佢兜會笑𠊎，毋過乜會教𠊎正確个講法，漸漸仔，𠊎聽得識，乜做得同佢兜打嘴鼓，正經有當大个成就感。𠊎試著會講客家話，係一項當好个事情，無論以後行到哪位，𠊎總希望做得繼續講客家話。

今這下會講客家話个人越來越少，特別係後生一代，當少在屋下講客家話，有兜人感覺講客家話無麼个用，就毋肯學。一日過一日，這隻語言就可能慢慢消失忒哩，𠊎認為當可惜，因為客話毋單淨係溝通个工具，更加係客家人个情感連結，若係毋學、毋講，下二擺就會無人會講哩喲。

𠊎認為曉得講客家話有當多好處。除忒做得同長輩溝通，也做得聽得識佢兜講个內容。像阿公用客話打嘴鼓，講佢後生時節个生活，𠊎成時會聽到當入文，像聽講古樣仔，該係用別種語言表現毋出來个感覺。

學會講客家話，分𠊎比別儕人多一項能力，乜重新認識自己个文化，每擺開口講客話，都係在該延續屋下人留下來个傳統。未來𠊎乜愛傳承這客家語言和文化，分客家話在生活裡肚聽得著。希望大家共下來，摎這隻靚靚个話繼續流傳下去。

華語

我是客家女生，小學一年級的時候，才真正的開始學習說客家話。我以前不會說，也聽不懂，發音也不正確，毋過客語老師一步一步，耐心教導我們，學客家拼音、唱客家歌，還帶我們出去參加客語歌謠比賽。暑假的時候，我也會參加客家的夏令營活動，學習客家人的傳統文化和飲食習慣，有時還會親手做擂茶、縫花布。慢慢地，我越來越喜歡上客語課，也對客家文化產生了更大的興趣。

每次上課時，老師都會先說：「小朋友好！」大家就會一起回答：「老師好！」每次聽到老師用客語向大家問好時，心情都會變得很好，課堂氣氛也變得很親切。回到家裡，我也會跟爺爺奶奶說客家話，雖然有時候說得不太正確，他們會笑我，但也會教我正確的說法。漸漸地，我能聽得懂、也能和他們對話，真的有很大的成就感。我覺得會說客家話是一件很好的事情，不管以後走到哪裡，我都希望能繼續說客家話。

現在會說客家話的人越來越少，特別是年輕一代，很少在家裡說客家話，有些人甚至覺得說客家話沒什麼用，就不願意學。日子一天天過去，這個語言可能就會慢慢消失。我覺得這樣真的很可惜，因為客語不只是溝通的工具，更是客家人情感的連結；如果不學、不說，以後就沒有人會說了。

我認為會說客家話有很多好處，除了可以和長輩溝通，也能聽得懂他們說的內容。像爺爺用客語聊天、講以前生活的故事時，我常常能聽得很入迷，就像在聽故事一樣，那是一種用其他語言無法表達出來的感覺。

學會說客家話，讓我比別人多了一項能力，也重新認識自己的文化。每一次開口說客家話，都是在延續家族留下來的傳統。未來我也要把客家語言和文化傳承下去，讓客家話在生活中繼續被聽見。希望大家一起努力，讓這珍貴的語言能一直流傳下去。