文／黃品娟，龍岡國中英文先生，楊梅客家人（四縣腔）

逐擺旅行總會帶分𠊎滿滿个收穫，今年去巴黎遊尞，遊覽車一駛入這有名个城市，白色建築排列到齊齊又正正，脣頭有高天天又青里里仔个樹仔，一路項𠊎目金金仔欣賞好風光，毋多知仔，嗄想起自家係客家人，敢做得用藝術个角度，摎外國个優點同客家个特色來做比較？這種聯想應該會當生趣。

首先，導遊渡𠊎兜來逛莫內花園，這位所係畫家莫內自家整理个庭院，佢中意買來當多外國个花仁，隨在佢兜自由生長，這百花園開當多罕得看著个花，比論講馬桑繡球、銀蓮花，桃紅、柑仔色、淡吊菜色、淰黃、看啊著心肝活活開，恬靜陂塘項浮等幾蕊蓮花，分莫內創作咧出名个畫作──「睡蓮」，𠊎想著客家花布个紅羅花色，布項有大蕊細蕊个牡丹花，高貴喜洋洋，樹項五月雪个油桐花幼秀清新，想啊著心情黏時天轉笠嫲花，主題共樣係花，逐個意境斯無共樣，這就係藝術个多元性啊。

對美術館參觀煞精緻个畫同雕像，行出來，咖啡館頭前桌凳比比企，滿哪仔看得著心情放冗个法國人，緊啉咖啡，緊打嘴鼓，𠊎試著法國人創造咧恁多有想像力个藝術品，應該摎佢兜清閒个生活步調當有關係。

比較起來，客家人生活節奏較遽，無閒洎杈到分人毋盼得，客家耕種人乜係沙鼻个藝術家喔，「畫」出一幅幅秋收冬藏圖，休耕時節，人同大地共下歇睏，再過「創作」農家樂个風景。藝術个想像力同創造力，像法國花園肚个仁，慢慢仔任在佢生長，自然就會必筍、開花開到榮榮，又像冬下頭个農地，休息罅擺泥肉有肥咧正做得打出精穀。

「腳步踏出去，世界行落來。」 𠊎這擺去巴黎遊尞，欣賞浪漫个風土人情，法國人个美感分𠊎感動，轉側（註1）看啊著自家个文化，愐起一首客家歌寫等「𫣆係現代个客家人，世界个客家人，𫣆有豐富又精采个客家文化呦（註2）」傳統客家文化正經當湛當靚，今這下若係欣賞別儕个優點，大家互相交流，共下學習，無定著會刺激出創作个靈感，設計出較無共樣、較有特色个客家印象，乜當好哦。

註釋
（註1）：轉側：音zonˋ zedˋ，翻身，轉成側面；換個角度思考、反向思考。
（註2）：引自「客家世界」這首歌曲的一小部分歌詞。

客家妹的巴黎行

每次旅行總帶給我滿滿的收穫，今年去巴黎遊玩，遊覽車開進這個有名的城市，白色建築排列整齊又對稱，搭配高聳青翠的樹木，一路上我瞪大眼睛欣賞美景，不知不覺，卻想起自己既是客家人，能不能用藝術的角度，把外國的優點和客家的特色兩方做比較嗎？這種聯想應該會很有意思。

首先，導遊帶我們來逛莫內花園，這個地方是畫家莫內自己整理的庭院，他喜歡買來很多外國的花種，任由它們自在生長，這座百花園開著罕見的花朵，像是馬桑繡球或銀蓮花，桃紅、粉橙、淡紫、金黃、一看到心花朵朵開，寧靜的埤塘上浮著幾朵蓮花，讓莫內創作出知名的畫作──「睡蓮」，我想到客家花布是多麼地琳琅滿目，布面潑灑大朵小朵的牡丹花，高貴喜洋洋，樹上五月雪的油桐花脫俗清新，一想到心情立刻喜悅無比，主題同樣都是花，各個意境卻不同，這就是藝術的多元性啊。

從美術館參觀完精緻的畫作和雕像作品，走出來咖啡館前桌椅排列整齊，到處都是心情輕鬆的法國人，邊喝咖啡，邊聊天，我覺得法國人創造了那麼多有想像力的藝術作品，應該和他們悠閒的生活步調很有關係。

比較起來，客家人生活節奏較快，忙碌不堪到總令人心疼，其實客家農夫也是厲害的藝術家喔，「畫」出一幅幅秋收冬藏圖，休耕時期，人和大地一起休息，之後繼續「創作」農家樂的風景。藝術的想像力和創造力，像法國花園的種子，慢慢地任由它生長，自然就會發芽、繁花盛開，又像冬天的農地，休息夠後土壤有肥才可以長出飽滿結實的稻穀。

「腳步踏出去，世界走進來。」 我這次到巴黎遊玩，欣賞浪漫的風土人情，法國人的美感讓我感動，換個角度思考屬於自己的文化，回想起一首客家歌寫到「我們是現代的客家人，世界的客家人，我們有豐富又精采的客家文化呦」傳統客家文化真的很棒、很美，在現代若能欣賞別人的優點，大家互相交流，一起學習，說不定刺激出創作的靈感，設計出更不一樣、更有特色的客家印象，也很好喔。