文／王湘仁，龍潭人，粄食文化工作者，講古先生，客語薪傳師（四縣腔）

這站仔「設計客家」係客家界當時行个話題，𠊎當認同客家活動愛好好設計，分還較多个後生人認識客家、偎兼客家。毋過，𠊎認為還有一件還較重要个事情：𫣆俚係毋係乜應該開始「設計客家細人仔」？

「細人仔仰做得分人設計？」𠊎講个「設計」，毋係愛摎細人仔決定未來，抑係去搣耍細人仔，係大人有意識摎細人仔創造接觸客話同客家文化个環境。

𫣆長透聽著後生人講：「𠊎个阿爸（阿姆）係客家人，毋過𠊎毋係。」仰般爺哀係客人，細人仔顛倒無恁樣个認同？其中一個原因，就係客家離佢兜忒遠。假使細人仔從細在屋下聽个、講个都係華語，等佢大咧，自然會試著客話當生份，甚至試著客話同客家文化同自家無關係。

故所，有母語意識个世大人愛仰般「設計」細人仔呢？做得對三點來做起：

一、開始同細人仔講客

假使世大人會講客話，就開始摎細人仔講客，摎客話融入生活，越早開始越好。若客話講到無恁好乜毋怕，做得對客話「晶晶體」開始，對一句、兩句簡單个客話慢慢增加，用生趣、活跳个方式講客，逐年提高客話个比例，世大人做得同細人仔共下進步，分佢兜看著您對講客个堅持同態度。

二、渡細人仔接觸客家活動

這下客家活動豐富又多元，除忒傳統節慶摎祭祀，還有客語家庭活動、客話講古同客家DIY這兜活動，乜做得渡細人仔到客莊逛市場、到廟項敬神，抑係用客話認識家鄉，當多地名用客話來唸，了解佢本來个意思。在這兜活動，您會發現客家文化實在當靚、豐富又有內涵。

三、多鼓勵細人仔

細人仔學講客，大人个態度當重要，客話講毋好毋怕，毋好嫌乜毋好罵，假使一開嘴就分人指正、分人笑，久哩自然就毋想講哩。摎佢講正確个講法，請佢過講一擺就好。細人仔係講客抑客家活動有好表現，定著愛大大鼓勵。細人仔對客話个連結，若係爺哀个做伴、阿公阿婆个笑聲，還有快樂个童年回憶，正會對這隻語言產生感情。

舉辦客家活動，𫣆俚愛「設計客家」，分還較多人看著客家个靚；在屋下，𫣆俚乜做得「設計客家細人仔」，當多人總係在該道嘆「細人仔毋會講客，後生人毋認同客家」，緊怨嘆毋當在屋下開始講客，渡細人仔接觸客家文化，係講逐個有客語意識个爺哀、阿公阿婆都做得恁樣做，未來就毋使愁慮客話會末忒，後生人毋認同客家哩。

設計客家小孩

最近「設計客家」是客家界很流行的話題，我非常認同客家活動應該好好設計，讓更多年輕人認識客家、親近客家。不過，我認為還有一件更重要的事情：我們是不是也應該開始「設計客家小孩」？

「小孩怎麼可以被設計？」我所說的「設計」，不是要替小孩決定未來，也不是要捉弄小孩，而是大人有意識地為小孩創造接觸客語和客家文化的環境。

我們常聽到年輕人說：「我的爸爸（媽媽）是客家人，不過我不是。」為什麼父母是客家人，小孩反而沒有這樣的認同？其中一個原因，就是客家離他們太遠了。假如小孩從小在家裡聽的、說的都是華語，等他長大了，自然會覺得客語很陌生，甚至覺得客語和客家文化跟自己沒有關係。

所以，有母語意識的大人要怎麼「設計」小孩呢？可以從三點開始：

一、開始和小孩說客語

如果大人會說客語，就開始和小孩說客語，把客語融入生活，越早開始越好。如果客語說得沒有那麼好也沒關係，可以從客語「晶晶體」開始，從一句、兩句簡單的客語慢慢增加，用有趣、活潑的方式說客語，逐年提高客語的比例。大人可以和小孩一起進步，讓他們看見您對說客語的堅持與態度。

二、帶小孩接觸客家活動

現在的客家活動豐富又多元，除了傳統節慶與祭祀，還有客語家庭活動、客語說故事和客家DIY等活動，也可以帶小孩到客庄逛市場、到廟裡拜拜，或是用客語認識家鄉。很多地名用客語來念，更能了解它原本的意思。透過這些活動，您會發現客家文化真的很美、豐富又有內涵。

三、多鼓勵小孩

小孩學客語，大人的態度很重要。客語說不好沒關係，不要嫌棄，也不要責罵，假如一開口就被糾正、被嘲笑，久了自然就不想說了，告訴他正確的說法，請他再說一次就好。小孩如果說客語或參加客家活動有好的表現，一定要大大鼓勵。小孩對客語的連結，如果是父母的陪伴、阿公阿婆的笑聲，還有快樂的童年回憶，才會對這個語言產生感情。

舉辦客家活動，我們要「設計客家」，讓更多人看見客家的美；在家裡，我們也可以「設計客家小孩」。很多人總是在感嘆「小孩不會說客語，年輕人不認同客家」，與其一直感嘆，不如從家裡開始說客語，帶小孩接觸客家文化。如果每一位有客語意識的父母、阿公阿婆都能這樣做，未來就不用擔心客語會消失、年輕人不認同客家了。