文／林淳華，戴台中市豐原區，學老人（大埔腔）

𠊎戴高齡化个社區，朝脣長在在便利商店廊下，看著三、四個伯姆打鬥四，𠊎乜看著隔壁鄰舍屋家停車个所在，有一陣阿伯、阿叔在該打嘴鼓；暗夜，在東勢客家文化園區个長廊，有一陣阿伯、阿叔無在屋家看電視，毋過，固定在這坐尞，社區大樓个椅凳項；食夜了後，乜有固定个阿伯姆、阿叔姆坐緊，緊撥扇，緊打嘴鼓。

臺灣社會緊來緊多老人家，毋過，嗄緊來緊少後生人，後生人為著事業打拚，又愛扶養老人家，係當艱苦个事情。𠊎認為政府毋單淨愛補助後生人降子，乜愛出錢照顧社區个老人家，因為這七十、八十外歲个老人家，係幫助臺灣經濟變好，成為亞洲四小龍，政府正經愛照顧這兜世大人。

客家莊毋單淨緊來緊多老人家愛人照顧，客家庄乜係醫療資源較少个所在，所以政府設立伯公照顧站，這政策對客家庄換工精神同伯公廟个信仰文化來，係政府照顧客家庄世大人个盡心。

毋過，老人家使得對屋家行去伯公照顧站，係身體康健个老人家，政府使得分伯公照護站較素絲兜。伯公照護站長在社區活動中心裡肚，政府使得出錢增加老人家友善个硬體設備，比論講電梯、無障礙便所，分老人家活動較安全兜。

有兜老人家好運動，比論講重量訓練、打匹克球、跳舞，政府乜使得出錢請教練教老人家運動、打球，乜使得請森巴先生教老人家跳森巴舞，這係現下時行个運動同舞蹈，老人家跈緊時行，乜使得同後生人有話講，老人家運動同跳舞了後，心情乜爽快。

頭擺農業社會，後生人在田項、在屋家做事，後生人使得就近照顧老人家，現下社會，後生人大部分去外背科學園區、工廠做事。日時頭，單淨老人家在社區，老人家乜需要朋友，乜需要同人打嘴鼓。

伯公照顧站係政府當好个政策，政府使得出錢改善伯公照護站硬體同軟體設施，分社區老人家有人照顧，後生人煞猛打拚事業，高齡化社區乜係幸福个社會。

高齡化社會的看法

我住在高齡化的社區，早上常常在便利超商的走廊，看到三、四位伯母一邊吃東西，一邊聊天，我也看到隔壁自家停車場，有一群阿伯、阿叔在聊天；晚上，在東勢客家文化園區的長廊，有一群阿伯、阿叔沒有在家看電視，卻固定在這裡聊天，社區大樓的座椅上；吃飽飯後，也常常有伯母、嬸嬸坐下來，一邊搖扇，一邊聊天。

臺灣社會愈來愈多老人，但是，愈來愈少年輕人，年輕人為了事業打拼，又要扶養老人家，是非常辛苦的事情。我認為政府不單單補助年輕人生小孩，也要出錢照顧社區老人家，因為這些七十、八十多歲的老人家，是幫助台灣經濟起飛，成為亞洲四小龍的人，政府真的要照顧這群老人家。

客家庄不只是愈來愈多老人家要照顧，客家庄也是醫療資源較少的地方，所以政府設立伯公照護站，這個政策來自於客家庄換工精神和伯公廟的信仰文化，是政府照顧客家莊長輩的用心。

不過，老人家可以從家裡走到伯公照護站，是身體健康的老人家，政府可以讓伯公照護站更好些。伯公照顧站通常在社區活動中心內，政府可以出錢增加老人家友善硬體設施，譬如電梯、無障礙廁所，讓老人家活動更安全些。

有些老人家愛運動，譬如重量訓練、打匹克球、跳舞，政府可以出錢請教練來教老人家運動、打球，也可以請森巴老師來教老人家跳森巴舞，這些都是現在流行的運動和舞蹈，老人家跟得上流行，也可以和年輕人有話聊，老人家在運動和跳舞後，心情也快活。

以前農業社會，年輕人在田裡、在家裡工作，年輕人可以就近照顧老人家，現在社會，年輕人大部分到外地科學園區、工廠工作。白天，只有老人家在社區，老人家也需要朋友、也需要和人聊天。

伯公照護站是政府很好的政策，政府可以出錢改善伯公照顧站硬體和軟體設施，讓社區老人家有人照顧，年輕人拼命打拼事業，高齡化社區也是幸福的社會。