2021-11-16：下午1點新聞

首先來關心高端疫苗个消息

中央流行疫情指揮中心表示，昨補日11月15開放50歲到64歲，無高風險慢性病个大人去注射公費流感疫防射，請符合資格个鄉親做得去注射。

另外，指揮中心提醒，早先有注射一劑還係兩劑高端預防射个鄉親，假使愛出國，不過愛出過个國家，毋承認高端預防射，鄉親做得拿注射高端个證明文件，

苟去注射AZ、默德拿、BNT預防射，毋過指揮中心建議，注射第三支預防射个時節，愛摎高端疫防射相隔28日以後。

另外，指揮中心也提醒，有注射過兩劑高端預防射、毋出國需求个鄉親，就不使苟注射第三支預防射。

接下來關心台灣疫情个消息

中央流行疫情指揮中心表示，昨哺日臺灣毋增加本土確診病例，毋過有增加9沙國外轉來个病例確診，這9沙國外轉來个病例係在入境檢驗發現確診，

另外，昨補日毋增加確診病例過身，目前臺灣做盡有1萬6千496沙確診，848沙過身，指揮中心表示，雖然目前臺灣疫情變穩定，毋過全國第二級警戒，還係愛從11月16延長到11月29，請大家愛做好防疫措施，戴好嘴暗兒。

另外，指揮中心也提醒，下著月12月14開始，從國外轉來个鄉親，做得開始選三種个21日隔離措施，有注射過2支預防射个鄉親，就做得選卡輕鬆省錢个方案，這著方案係7日自費防疫旅社、7日居家隔離、7日自主健康管理。

 

最尾來關心今哺日天時个消息

中央氣象局表示，因為東北季風變弱，今哺日全台灣大部分个所在係出日頭个好天時，當晝高溫北部還有東部係26度到28度、中南部係28度到30度，不過金哺日東北部還有宜蘭、花蓮會落水，請鄉親出外愛好先兜。

到了稍早拜三，桃園以北會開始落水，鄉親出外愛記得著水衣還有帶傘兒！