:::
線上收聽
喊切-客話世界 週六 22:00-23:00

六堆 In Site

2021-07-25 10:00:00

播出時間: 2021-07-25 10:00

2021-07-25 |Online 開庄──佳冬庄1|

|Online 開庄──佳冬庄|

1. 佳冬開庄歷史

佳冬庄,係原底六堆客家个左堆,亦係六堆客家庄底背唯一偎海个庄頭。

大清末年,屬鳳山縣港東中里,原底安著六根庄或者下六根庄。
聽講初初開庄个下仔,這地方有6頭盡大頭个茄冬樹,所以正安著六根庄。

日本明治34年(1908)个時節,改名安著茄苳腳庄,講係因為這地方,生著有盡多茄苳樹,又因為地處屏東平原客家聚落个南邊,故所安著「茄苳腳」。

過去个人,習慣性用北片為上、南片為下,所以會講上北下南。
這可能係中國个帝王、台灣个統治也多為北部統治南部个情形,總係以北為上。

所以用這種想法來思考,用人來比論个話,北部就準係頭拿、南部就係準做腳,下後係在台灣聽到麼个腳,比將講:茄苳腳。

大概就係講在茄苳个南部,也算在這茄苳个底下。
值得注意个係,佳冬算係閩客混居个鄉鎮,客家人大概佔53%過多一息。

比較過偎海偎東个所在大概係福佬人,客家人係以六根庄為中心,向北向南延伸過來。
講起話來,有特別个腔調。

像駛等車仔,直直駛入去。

2. 佳冬地理環境

為各位介紹左堆佳冬的地理環境,佳冬鄉算係林邊溪南溪个河壩串流地區。
講起林邊溪有南北兩條分支,算係對佳冬東北片中央山脈尾流出來。
北林邊溪流係對來義鄉下來。

對來義个古樓、丹林流過文樂、餉潭、箕湖西片,南林邊溪係對春日鄉下來。
對春日个南和流出山,流過七佳、獅頭中間,些把仔轉向西北,在武丁潭東北片所在,南北林邊溪會流成為林邊溪主流,再轉向西南片出海。

佳冬鄉西南半片過高爽个地方對武丁潭、六根、賴屋、塭仔,係客家庄个所在。

3. 佳冬特色

1)佳冬舊城,
   商業大港:屬於土牛竹圍城牆,是六堆地區最東南邊、最左邊,唯一臨海的客家六堆。
   做生意可以自己來,不像其他地方的六堆人,所有的港口都為福佬人所掌握,自然具有先天的優勢。

2)佳冬的柵門,出名的堅固:
   佳冬客庄與閩南村落、原住民比鄰而居;而且因為海港而商業活絡,這邊是釀酒、染布、米穀出口製造的大宗。
   張、藍、賴、曾、鐘、羅、蕭、戴、林有了錢的伙房,出現極為明顯的防衛概念:群居、客家夥房圍龍屋、護牆護河、銃眼。
  
3)有氣勢的古蹟:
   除了大家熟知的蕭家古屋、楊家祠堂以外,其他的羅氏、曾氏圍龍夥房屋規模都很大,但因為擔心被列入古蹟無法應用,很多都不願文資管理介入,大家可以多多留意那邊的大夥房,當然看空拍更清楚。
   結合著客家伙房同圍龍屋个建築,內內外外幾下層,蕭家古厝就係最出名个。
   佳冬隘門採用个係門樓形式,差唔多係對大清嘉慶16年(1811)起个,會按呢講係因為,這滿存著个西柵門同北柵門,兩隻柵門向外个立面,都有一塊石刻个「褒忠」橫額。
   這滿現存北柵門个「褒忠」碑,係佳冬庄民在清嘉慶16年(1811)建立,按呢推論,茄冬西柵門亦係清嘉慶16年(1811)起个。
 
6.音樂:

  1. 菊花夜行軍(交工樂隊)
  2. 老下午(溫尹嫦)
  3. 天光(楊淑喻)
  4. 望(邱淑嬋)