｜美濃月光山雜誌系列之七｜

1.「寧賣祖宗田，莫忘祖宗言；寧賣祖宗坑，莫忘祖宗聲」，為著愛分美濃个細人仔感受著講客話个成就感，產生對自家客家身分个認同，漸漸仔帶動、營造出佢等講客話个生活環境，特別安排「細人仔打嘴鼓」時間。今晡日美濃區吉東國小五年生个小朋友夏瑜函/函函、梁芸綺/阿綺、王昱晴/晴晴，愛帶聽眾朋友認識靚靚个學校—吉東國小。

2.「社長時間」請美濃月光山雜誌社鍾昆宏社長佮聽眾朋友分享，今年年初派任駐意大利臺北代表處大使--蔡cai允中，佢係臺灣經濟學家、中華民國外交官，同時紹介蔡允中个阿姆蘭香先生，一個蓋獨立自在又蓋好跳舞个老人家。

3.「美濃大細事」分享旅北鄉親劉昭民鄉親寫个「懷念七十年前中門蓋有名望个中門大伙房，頭擺子孫滿堂，人丁一等旺个劉半莊」。

劉昭民鄉親講著中門劉屋後代个佢，因為後生時節得著鼻竇炎，使得佢在學業上受著蓋大个打擊，人生路也行啊蓋冤枉，毋過佢也蓋增志來拗轉厥人生。同時紹介劉屋幾個蓋傑出、有口个名人：劉恆仁醫生、「旗山榮和汽車客運公司」个創辦人劉志傳搭厥三個做醫生个倈仔劉欽賢、劉欽麟、劉欽文。還有做過鎮民代表个劉錦傳。

 

【播放歌曲】

風箏遠行 /葉穎

月光光 /客家兒童合唱團

美濃好風光  /陳志明

種相思種  /方寧

客家媳婦  /彭佳霓

行到這位 /山狗大後生樂團

春到人間  /王鳳珠