｜光山雜誌社面臨个傳承危機｜

1.月光山雜誌裡背，吳榮泰鄉親分享「一步一腳印，克服萬難為家鄉奉獻四十零年，月光山雜誌恁餳著鄉親个心，毋過乜面臨延續危機」。月光山雜誌个用心係臺灣客家文化傳承蓋好个典範，做得維持40零年，分美濃鄉親日日盡望个在地刊物，毋單淨揫集吔美濃人个情、美濃人个心，乜係客家認同个推手，毋過，行過四十年个月光山雜誌社這下乜面臨傳承个危機，文章裡背講著，希望美濃鄉親來思考這個个問題，嘛希望客委會做得重視月光山雜誌對美濃客家文化傳承个功能佮價值。

2.「社長時間」--美濃月光山雜誌鍾昆宏社長分享112年12月16號吉東國小七十周年校慶傑出校友个頒獎當中，分大家認識著个臺灣包仔饅頭市場一等有名、銷路一等大个兩個大頭家陳漢璋、邱錦雲。

3.「細人仔講古時間」吉東國小小朋友黃俊璋、宋珮慈、董衣禎、梁芸翎愛佮大家分享佢等學校个新校歌，佮校園特色。

4.「美濃人、美濃事」--分享「行出阿爸李登華个影仔、拿核油畫个框仔-李子介對師院美勞教育系到工業設計系，發明雷射陶瓷專利創新藝術」--有名个畫家李登華先生个倈仔李子介。

5.李子介對傳統個畫圖、工藝轉型到陶瓷產業佮綠色設計，還發明雷射還原燒、燒結陶瓷等四項專利，佢毋單淨係大膽、前衛個藝術家，還係一個作家，詩中有畫、畫中有詩係佢藝術創作想愛達到个境界。

6.李子介个阿爸李登華先生係臺灣早期有名个畫家，厥皺毛加上該八字招牌个鬍鬚，係典型个藝術家性格。厥人生哲學就係「達摩為師一切皆空，人身非真彩畫有情，畫𠊎家鄉土親人親。」厥達摩像受著歡迎，乜使得美濃紙遮仔个藝術價值大翻轉。

 

【播放歌曲】

青山綠水好風光／劉清香

秋風又吹來／陳威

美濃夜曲／陳志明

行過／客家兒童合唱團

大擺鐘／彤溫岑二重唱