｜美濃客家金曲歌王羅文裕老師｜

1.客家金曲歌王羅文裕老師係來自高雄美濃个龍肚庄，因為對家鄉有蓋深个感情，所以盡多歌曲都跟家鄉相關，像《茶頂山个風》，就係佢懷念龍肚國小所寫出來个歌曲。

2.高雄美濃在春天个花海季節，分人留下蓋靚个印象，乜分佢靈感寫了《妳个名字像一首詩》這首歌曲，就係在該講兩个戀愛个人，共下在花海散步个時光。

3.羅文裕老師從高中就去到台北讀書，除了在餐廳唱歌表演，還有參加「五燈獎」个比賽，乜開始了佢个音樂之路。《菸樓清風》就係在講自家在外地生活，無法度時常歸去家鄉看大人儕个心情。

4.羅文裕老師个哥哥因為得到癌症，分佢感受到生命个無奈，《有種》這首歌曲，係佢邀請哥哥共下來唱个，在講雖然發病，毋過佢卻勇敢面對个精神同力量。

5.羅文裕老師个哥哥一直蓋鼓勵佢做音樂，離開之前特別一把吉他留在屋家分佢，故所《哥哥留下來个吉他》就係懷念哥哥个時節寫个。

6.「生老病死」抑係無情个意外，係每一个人都會堵到个事情，羅文裕老師為了感念生命个無奈，寫了《放心去旅行》這首歌曲，希望可以傳達溫暖个力量，毋管堵到麼个變化，都要繼續好好生活下去。

7.「客家音樂如果不想成為弱勢，那就要拿出本事」這係羅文裕老師在2021年个金曲獎頒獎典禮頂項講个一句話，希望透過自家个力量，來鼓勵後生人做客家音樂。《稻浪》這首歌曲，乜表達了遊子个心情，提醒𠊎等一定要「莫忘初心」。

 

【播放歌曲】

茶頂山的風/羅文裕

妳的名字像一首詩/羅文裕

菸樓清風/羅文裕

有種 /羅文裕

哥哥留下來的吉他/羅文裕

放心去旅行/羅文裕

稻浪/羅文裕

南下列車/羅文裕