2022-05-12：上午11點新聞

更新美台關係論述引議 美國務院重申不支持台獨
米國國務院五月初五更新官網上米國台灣个關係現況，除了將「對台六項保證」納入一中政策、確認台灣係米國印太重要關係之外，也刪忒先前2018年版本內「台灣係中國一部分」、「毋支持台灣獨立」這兜字句。米國國務院發言人普萊斯過一擺指出，米國台灣雖沒外交關係，米國也毋支持台灣獨立，毋過普萊斯強調，雙方具當穩定个非官方關係，米國台灣在當多領域都有合作，米國會持續推動台灣參與國組織。

台股早盤跌逾百點
美國4月消費者物價指數（CPI）年增8.3%，8個月來首見增加幅度檢賞，毋過吂有解決投資人對升息个愁慮，台股今晡日開盤過超過萬六，早盤最低來到15877.45點，下跌128.8點。

天時資訊
中央氣象局表示，今晡日上晝天時摎昨晡日差毋多，各地感覺翕熱，毋過今年第一枋梅雨鋒面會在今暗晡漸漸偎近台灣，第一場梅雨會持續影響到下禮拜一，尤其拜六、拜日雨勢最大，容易有短時間落大水，另外溫度方面，北部低溫下降到15、16度。過晝以後落水機會也會提高，尤其中部以北、宜蘭和花蓮都愛留意落風時水个情形。