立秋號｜兩天一夜橫山秋之旅

旁白：邱廉欽（海陸腔）

【華語文稿】

兩天一夜橫山秋之旅

說到內灣，心中便會浮現被山林環繞、櫻花簇擁的景象，或是在吊橋上遠眺油羅溪景，任憑輕風吹拂臉龐。若想稍稍遠離大自然，還可梭巡至內灣老街品嘗擂茶、米粉、野薑花粽等客庄美食，感受當地風土的魅力。內灣沒有直達的公共交通方式，需要轉駁客運或鐵路支線方能抵達，但絡繹的人潮，說明了這個曾以林木及礦業為主，後經社區再造而開展觀光事業的區域，擁有源源不絕的吸客潛力。 

在地居民表示，內灣仰賴觀光與口碑的建立，許多店家不易轉化為網路形式經營，他們致力於開發內灣線的文化產業，鐵路沿線便有許多商鋪結合相關專案，共同推動有獎實地解謎等活動，刺激遊客來訪、理解在地文化。相較於許多遊園場所，內灣站後方隱蔽的好客好品希望工場，透露著青年回返客庄的純樸風格與創新活力。此處除了賡續經營的劉興欽漫畫展覽館，更結合了許多工藝品牌與休憩場地，讓遊客能在大自然中，親手實作金工、縫紉與絹印等技藝，在小店美食中與親友相互交流。

夜晚，相當推薦前往湯屋歇腳。橫山溫泉素有美人湯之稱，碳酸氫鈉鹽泉可去疤、美顏，在微微哆嗦的秋日浸入泉中、仰望山林星空，可使人忘卻平日煩憂。除了知名的威尼斯溫泉會館等靠近內灣車站之地，沿油羅溪朝尖石上溯，石上湯屋、錦屏美人湯館等也都是不錯的選擇。

橫山境內有山野、平原、陵地與河谷等地勢，值得造訪的景點不勝枚舉。若搭乘台鐵到橫山車站，此處有大崎棟、茶亭與騎龍等數個官方開闢的登山步道，若從具有百年歷史的樂善堂登上鄰近觀景平台，耗時不多，於春時卻可盡覽油桐、螢火蟲與橫山景色，秋時亦可觀雲海、賞楓櫻與夾道的落羽松。

與都市距離不遠不近的橫山，是許多人假期時嚮往的去處，雖然歷史在此留下變遷的軌跡，但自然景觀依舊鬱鬱蔥蔥。這裡四時皆有景色，除了鼎沸人聲的老街，亦有清幽謐靜的自然生態，即便是臨時起意，也能搭乘電氣化的小火車，搖搖晃晃地抵達。走過一趟橫山，能使人釋放壓力，獲得身心靈的平衡，重新記起人與土地的關聯，置身於山野河流甚或街巷之中，都能發現整理自己、繼續向前走的力量。

 

【客語文稿】譯稿：邱廉欽（海陸腔）

兩天一夜橫山秋之旅

講到內灣，心肝肚就會浮現出分山林環繞个印象，抑係企在吊橋頂遠遠看過去該油羅溪个風景，隨在該微風輕輕吹過面脣。若係想愛略略仔離大自然較遠兜仔，還做得穿梭行在內灣个老街，食擂茶、米粉摎野薑花粽這兜客家庄个美食，感受體驗在地个人情味。內灣還吂有直達个公共交通工具，愛靠客運巴士來蹣車，係無使愛坐內灣線个火車正做得到這位。毋過，鬧熱个人潮堵堵好解說了這隻頭擺靠等林木摎礦業為主个所在，後來，經過社區再造以後，開展觀光事業个區域，有源源不絕餳人个能力。

在地个居民表示：內灣係靠觀光摎好名聲建立起來个。對當多个店仔來講，愛改變佢兜儕用網路个方式來經營，毋係一件簡單个事情。佢兜儕對開發內灣線个文化產業非常用心，順等火車路線斯有當多个店仔來僇相關个專案做結合，共下推動有獎个實地解謎這兜活動，刺激人客來遶尞，了解在地个文化。摎當多个遊園場所比較來講，囥到內灣車頭後背个好客好品希望工場，表現出後生人回轉到客家庄，該種單純个風格摎創造新个活力。在這位，除了還有繼續經營个劉興欽漫畫展覽館，還聯合了當多个工藝品牌摎歇睏个位所，分來遶尞个旅客做得在大自然裡背來親手實際做金仔工藝、裁縫摎絹印這兜手藝，在細店个美食裡肚摎親戚朋友來互相交流。

入夜以後，非常推薦去泡湯歇睏。橫山个溫泉向來就有安到美人湯个講法，碳酸氫鈉鹽泉做得除疤、美容。在微微涼爽个秋季浸入泉水裡肚，擎頭看等山林肚个星仔，做得分人毋記得平常時个煩惱愁慮。除了有名个威尼斯溫泉會館這較偎凴內灣車頭个以外，順等油羅溪朝尖石行往上，石上湯屋、錦屏美人湯館這兜乜係當好个選擇。

橫山境內有山林、平原、陵地摎山坑个地形，值得去行行尞尞个風景區當多。若係坐火車到橫山車頭，在這位有大崎棟，茶亭摎騎龍恁多隻政府開發个登山步道。若係對有百年歷史个樂善堂行上附近个觀景平台，毋會花當多个時間。在春天个時節做得看盡靚靚个油桐花、火焰蟲僇橫山个好風光；秋天个時節乜做得觀賞雲海、欣賞櫻花摎歸排个落羽松。

摎偎都市頭毋遠毋近个橫山，係當多人放尞時節最想愛去个所在。雖然，歷史在這位留下變遷个腳跡，毋過，自然个風景還係共樣青里里。在這位四季都有無共樣个景色。除了鬧熱煎煎个老街，乜有清幽恬靜个自然生態。就算係臨時想愛去尞，乜做得坐電氣化个細火車，搖搖擺擺搖到這位。行過一輪橫山，做得分人个壓力放掉，心肝豁然開朗，重新記起來人摎土地个關聯性。身在山野河壩抑係街巷之中，都做得發現、整理自家，繼續向前行个力量。