春分號｜全年無休廟祝 阿水伯

旁白：周碩興(饒平腔)

【華語文稿】

全年無休廟祝 阿水伯

 

春暖花開，涼風徐徐，在峨眉村落的丹桂宮旁廳中，一位老先生正坐在木藤椅上，愜意地看著往來參拜的香客們，他是李文水，掌管丹桂宮廟宇一切事務的廟祝，地方上的人們稱呼他為阿水伯。

村廟的建立與聚落的發展形成了綿密的網絡關係，提供了村民們有個共同對話的場域，阿水伯管理丹桂宮廟宇已逾二十個年頭了，他分享著峨眉從前的山林經濟產業，木材、炭窯、紙張，靠山吃山的產業因為時代的變遷、機械應用的出現，漸轉變為需要大量人力的勞動密集型茶園及果園經濟。

這二十幾年來不僅地方產業的改變，人口的外移造成人數的減少，人們的地方信仰連結也逐漸薄弱、消失，但唯一不變的是阿水伯一樣盡心的照顧著廟宇，每天早上四點半起床就開始打理著一切事務，忙完了就坐在木籐椅上愜意地看著往來參拜的香客們。

 

 

【客語文稿】(饒平腔)

一年透天無歇睏个香公阿水伯

 

春暖花開，涼風慢慢吹過來，在峨眉村落肚个丹桂宮，旁脣个廳堂內，有一个老先生，堵堵坐在木籐椅頂高，當樂線䀴等來這參拜个香客，佢安着李文水，掌管丹桂宮廟項一切事務个香公，地方上个人喊佢阿水伯。

 

村廟个建立摎聚落个發展，形成非常密切个網絡關係，提供分這兜村民有一隻共下打嘴古个場所，阿水伯管理丹桂宮已經超過二十零年了，佢摎大家分享着峨眉頭擺个山林經濟產業，像貌樹仔來斬、燒炭窯、做紙這兜靠山食山个產業，因為時代个改變、機械个運用，漸漸轉變成為需要當多人手，勞動密集个茶園摎果園經濟產業。

 

這二十零年來，峨眉毋單淨地方產業个改變，人口向外遷徙，造成人口愈來愈少，人摎人因為地方信仰連結个關係，也愈來愈薄，甚至消失忒去，無過唯一無變个係阿水伯，共樣盡心个䀴顧這間廟，逐日晨早四點半就跆起來，開始準備一切个事務，無閒煞了，佢就坐在木籐椅頂高，當樂線个䀴等來這間廟參拜个香客。