立秋號｜紀錄片導演的《力爭》：謝欣志與陳芝安的現實行旅

旁白：蕭玉（四縣腔）

【華語文稿】

紀錄片導演的《力爭》：謝欣志與陳芝安的現實行旅

一棟棟老公寓隱身在樹林與農園中自成一區，場景看來有些奇幻、衝突，不免讓人感到好奇。「這裡曾經是眷村，早期海南島的軍民撤退來台沒有地方住，有位將軍就為他們蓋了這個地方。」流著客家血液的導演謝欣志向我們說明，「像是一個獨立的小社會，社區人情味很濃，是個有趣的地方。我們在這已經住了十年，這幾年開始都更，到時候整塊地都會被拆掉。」一旁的陳芝安導演語帶不捨地補充。選擇這樣具有歷史背景的聚落居住，或許並非偶然。合作拍攝紀錄片十餘載的兩人，一路上始終追尋著真實的跡象，而這樣的精神，也自然地融入於他們的生活中。

就讀電影系的謝欣志，過去花費相當多時間閱讀大量的電影理論，「當時，我很想走到第一線，去現場看看會發生什麼事情，讓自己不要只有腦袋一直擴大。正好有位老師在拍紀錄片，我就跟著他做。」這樣的契機，讓他在一次次的探索中，尋找到了自己的能量來源。

每個月一次的「陌生拜訪」之旅，是謝欣志與陳芝安自我訂定的例行冒險，像是在不久前，他們與朋友米莎一同拜訪了住在百年三合院裡的女巫。「四個人一邊吃著那位女巫煮的印度菜，一邊聊著天，就這樣在三合院中度過了相當奇妙的晚上。」如此不斷接觸著新事物並拓展其中的可能性，便是他們尋找紀錄片題材的重要路徑。

從不閃躲的現實與立場

雖然現實有時殘酷，他們卻沒有因此沮喪，因為在每段歷程中，拍攝者與被攝者總是互相陪伴、互相影響著，光是這樣善良的過程，就足以讓人毅然決然持續冒險與嘗試。

而這份決心，也促成了兩人的新作《力爭》於焉誕生，這一次，他們試圖釐清新竹寶山水庫為期四十年的土地抗爭，「其實還滿像在拍偵探片的，官方、專業幕僚以及受害者都有自己的論點，而我們就是盡力為事情拼湊出完整的面向。」陳芝安形容。當問及是否因為自身的客家淵源，加深了對這類客庄議題的關注，謝欣志想了想說，「因為我在高中時就上來台北了，所以不像父母輩，對客家文化比較有根蒂；對我來說，更重要的可能是，對這塊島共同的認同感。」

就像面對所有島嶼上試圖彼此靠攏的共識和認同，客家意識也好、對於水庫與土地的抗爭也罷，身為紀錄片導演，謝欣志與陳芝安坦然地表示，議題裡，最困難的從來不是還原真相，或者處理人們的激烈情緒——而是自身不去迴避「立場」。只要能在說出故事之前，好好想清楚、然後很有把握地去說明，對於紀錄片創作而言便已足夠。

 

【客語文稿】譯稿：蕭玉（四縣腔）

紀錄片導演个《力爭》：謝欣志摎陳芝安个現實行旅

一棟棟老公寓囥在樹林摎農園裡肚自家變做一個區，場景看來有兜仔奇幻、衝突，難免分人試着好奇。「這搭仔過去識係眷村，早期海南島个軍民退來台灣無所在歇，有一個將軍就摎佢兜起咧這個所在。」流等客家血脈个導演謝欣志摎亻厓兜說明，「像係一隻獨立个細社會，社區人情味當醹，係一個生趣个所在。亻厓兜在這既經戴咧十年，這幾年開始都市更新，到時節歸垤地都會分人拆掉。」旁脣个陳芝安導演聲音肚帶等毋盼得个補充。選擇恁樣形有歷史背景个聚落來歇，無定著並毋係恁堵好。合作翕紀錄片十過年个兩儕人，一路項一直愛尋著正經實在个影跡，過恁樣个精神，也自然个融入到佢兜个生活裡肚。

讀電影系个謝欣志，過去花咧盡多个時間閱讀大量个電影理論，「該當時，亻厓當想行到第一線，去現場看看啊咧，會發生兜仔麼个事情，分自家毋好斯有頭腦緊擴大。堵堵好有一個先生在該拍紀錄片，亻厓就跈等佢做。」恁樣个契機(轉機)，分佢在一擺又一擺个探索裡肚，尋着咧自家个能量來源。

每隻月一擺个「生份拜訪」之旅，係謝欣志摎陳芝安自家訂定个例行性冒險，像係在無幾久以前，佢兜摎朋友米莎共下拜訪咧戴在百年夥房屋裡背个女巫(覡婆/勝婆)。「四個人一頭食等該個女巫(覡婆/勝婆)煮个印度菜，一頭打嘴鼓，就恁樣在夥房屋裡背過咧當奇妙个晚晡頭。」像恁樣無斷个接觸着新个事物同時開展其中个可能性，就係佢兜尋紀錄片題材个重要路線。

對無閃囥个現實摎立場

雖然現實肚有成時係粗殘个，佢兜嗄無因為恁樣就來失志，因為在每一段歷程裡背，????影个人摎分人????影个人總係互相做伴、互相影響等，單淨係恁樣善良个過程，就會分人還較有決心連續冒險摎去試看啊。

還過這份決心，乜做成咧兩儕人个新作品《力爭》來出品發表，這一擺，佢兜試等來整理新竹寶山水庫長期有四十年个土地抗爭，「其實還異像在該拍偵探片个，官方、專業團隊摎受害者都有自家个論點，過亻厓兜就係盡命牯摎事情鬥出完整个面向。」陳芝安形容。在問着講係毋係因為自家个客家淵源(血脈)，加深咧對這類客家庄議題个關心注意，謝欣志想咧又想講，「因為我在高中該時就上來台北咧，故所無像爺哀該輩人，對客家文化有較深个根蒂(感情連結)；對亻厓來講，還較重要个係可能个係，對這垤島國共同个認同感。」

就像面對着所有个島試等互相偎靠个共識摎認同，客家意識也好、對着水庫摎土地个抗爭也好，做為紀錄片个導演，謝欣志摎陳芝安坦白个表示，議題裡肚，最困難个從來都毋係還原真相，抑係處理人摎人之間个激烈心情——顛倒係自家無愛去閃忒「立場」。斯愛做得在講出故事之前，好好來想清楚、正會當有把握个去說明，對着紀錄片創作來講就罅咧。