立秋號｜歡迎光臨老派裸賣雜貨店

旁白：張惠雯（大埔腔）

【華語文稿】

歡迎光臨老派裸賣雜貨店

先前開在新竹東區的「新村小商號」後來搬至北區，由於沒有包裝的購物方式在新竹成為一股清流，從2017年開業至今，已累積許多重視環境的忠實顧客。「新村小商號」以裸賣雜貨商店的方式，讓越來越多新竹人習慣不大量採購囤貨，並且攜帶自家容器盛裝商品，不僅能二次利用達到環保效果，也能讓小家庭減少廚餘、垃圾…等廢棄物。創辦人鳳嬌說，「零廢棄不是要拯救地球，而是對自己好，自然就會有好的循環」。

新村小商號除了販售雜貨店有的柴米油鹽醬醋茶，生活中大家會使用到、想得到的食品、物品，甚至寵物品，新村小商號也都有販售；她們還開發出不同品項，挑戰販售方式，像是冰淇淋、肉粽等季節性食品也都買得到。店內大部分商品來自台灣各地小農，鳳嬌與拉拉為了了解源頭，經常到產地找尋理念相同的夥伴合作，因此每樣商品，從產地來源到廠商故事，她們都能侃侃而談。新村小商號也開始與各領域的藝術家合作，未來也有機會在店內購買各式藝術家的作品。

鳳嬌說，當時的確不少合作廠商帶著問號與她們合作販售，尤其是一位米粉廠商每次都百思不得其解「沒有包裝的米粉要怎麼賣？」，後來慢慢了解顧客都會自備容器來裝，後來，米粉廠商自己來消費時也不忘自備容器，讓她們好意外也好感動。疫情升溫前，店內還曾舉辦團購麻辣鍋，團員紛紛自帶自家的鍋碗瓢盆等容器來盛裝麻辣鍋，讓旁人都意想不到「哇，這樣也能賣！」

鳳嬌說，其實新村小商號倡導的是「減少使用一次性包裝」，她們認為，東西材質不是重點，重點是「重複使用」，她們也常遇到消費者偶爾忘記帶容器來裝，鳳嬌與拉拉都很暖心回應：「不用覺得抱歉或羞愧，習慣可以慢慢養成。」

近期也有企業或新人邀請新村小商號規劃零廢棄活動，令人難以想像大型活動要如何做到沒有垃圾或廚餘？鳳嬌說，除了活動時使用環保餐具、租借餐具為開頭，她們也透過互動遊戲達到讓大家把飯菜都吃光光，不造成任何浪費，就是實踐零廢棄的真諦了。

 

【客語文稿】譯稿：張惠雯（大埔腔）

歡迎光臨老派「裸（la^）賣雜貨店」

進前，開在新竹東區个「新村小商號」，臨尾搬到北區，因致無包裝个購物方式，在新竹變成一種特別个購物習慣，對2017年開張到這滿，已經帶來當多重視環保个老主顧。「新村小商號」用裸賣雜貨商店个方式，分越來越多个新竹人慣勢，毋使囤貨，同時還習慣自家帶（張東西个傢伙）來買東西，毋單淨使得再利用，達到環保效果，乜使得分小家庭減少汁、垃圾等廢棄物；創辦人鳳嬌講：「零廢棄，毋係愛救地球，係對自家好，自然就會有好个循環」。

新村小商號除撇有賣雜貨店个柴、米、油、鹽、醬、醋、茶以外，生活中會用到个、愐得到个、食个、用个，甚至講貓狗个用品，新村小商號乜有賣喔；厥等還開發出無共款个東西來挑戰裸賣个方式，像講：冰淇淋、粽，這兜季節性个食品乜買得到，店項大部分个商品，係對台灣各所在小農來个；鳳嬌同拉拉為著了解商品个源頭，長在來到產地，尋想法相同个人來合作，所以，對逐項商品个來源，到廠商个故事，厥等做下使得講來當詳細。新村小商號乜開始同各領域个藝術家合作，未來乜有機會在店項買到各式藝術家个作品。

鳳嬌講：當時確實有兜合作个廠商，帶緊疑狐个態度同吾等合作販賣，尤其有一个米粉廠个頭家，逐到都愐無「無包裝的米粉要仰脣賣？」，臨尾，慢慢了解，人客做下會帶東西來張；米粉廠个頭家，佢自家來買東西該滿，自家乜會帶東西來張，分厥等無胚想又真感動。疫情升溫前，店項乜試 舉辦團購（麻辣鍋），團員會帶屋家个盆頭、鑊、缽來裝麻辣鍋，分邊脣个人無胚想到 ：「哇！恁泥乜使得賣喔！」

鳳嬌講「新村小商號」主張个係「減少使用一擺斯丟撇个包裝」，厥等認為，東西材質毋係重點，重點係「重複使用」厥等乜長在堵到，有人成半下乜會毋記得帶東西來裝，鳳嬌同拉拉做下會當體恤同厥等講「毋使試著敗勢，習慣使得慢慢養成个」。

這恁久乜有企業抑係新人，邀請新村小商號規劃零廢棄活動，分人無胚想个係，恁泥个大活動，愛仰脣做到無半屑垃圾同汁？鳳嬌講：除撇辦活動該滿用著个環保碗筷同租借个碗筷做開場以外，厥等斯會經由有來有去个遊戲，分逐儕同飯菜做下食淨淨，無半屑打爽，這正係做到「零廢棄」正正个道理！