立夏號｜建築巡禮：木造市場、神社、老街

建築巡禮：木造市場、神社、老街

旁白：涂世宗

腔調：四縣腔

 

【華語文稿】

沿海線縱貫鐵路南下，少有一個鎮上有三座火車站：白沙屯、新埔，然後是通霄。白沙屯緊鄰精鹽廠和拱天宮媽祖廟；新埔是西部縱貫線距離海岸最近的木造火車站；旅客問起通霄的第一印象，煙囪、神社、煎包；出火車站，就能看見火力發電廠的彩繪煙囪，高聳而立，早已成為離鄉人的家鄉意象。出站後，是通霄現代的骨幹，直向路沖的是「中正路」，橫向的是縱貫線「中山路」；兩條路作為貫通市區的命脈，如魚骨般，每條街道都擁有特色，並隨著時代的演變從興起、繁榮直至沒落。

我們以信義路上的鎮民信仰中心「慈惠宮」開始說起。一座廟的建立與民族的開拓史息息相關，街上的人稱慈惠宮為大廟。大廟的建造時間可回朔至清‧道光年間，經不斷的修葺，買地、改建，變成現在的樣貌，值得聚焦的點在於，廟頂的裝飾都以剪黏的技法呈現。

廟宇正對面，是木造市場。建於民國57年，以湖水綠的油漆分刷。現今以小吃、早點作為集散地，在旁為經營50年的剉冰店，以紅豆冰為招牌。左右兩側分別有煎包、燒餅油條等早點，深入其中有水晶餃、牛肉麵等，皆營業到中午。接下去是通霄的「舊街」仁愛路；在老一輩的口中，新街是信義路、舊街是仁愛路，也分出通西、通東里；仁愛路上，有一小段老街。販賣雜貨，有百年歷史的松盛商店及裕豐精米廠。向左走到底，就是虎頭山的步道了。

通霄曾經以挑鹽、挑炭、香茅和油氣致富，在街庄和郊區都有商賈仕紳。在新街上便會有西裝店和酒家（即七等生筆下的樂天地和圓滿），在通霄有一句俗諺：「嫁到通霄的人，會做到死。」因商業繁榮發達，家中人丁都需要勞作。

回到通霄火車站，1922年海線縱貫鐵路在通霄火車站進行通車典禮，也可藉此知道通霄在海線沿線的重要地位。雖見通霄的靜謐源自於沒落，可是沿著街道爬梳歷史，卻能發現當地的民族遷變、商業發展和開拓史。
 

 

【客語文稿】

順等海線鐵路緊下南去，當罕得看得着一隻庄頭肚有三座火車頭，毋過苗栗通霄鎮就有白沙屯、新埔，還過通霄三座火車頭。白沙屯偎兼精鹽廠同拱天宮媽祖廟；新埔係西部縱貫鐵路盡偎海脣，用樹頭打造个火車頭；係講着通宵車頭，就係煙涵、神社同水煎包。一出通宵車頭，就看得着高天天个火力發電廠个彩繪煙囪管，對離鄉背井个子弟來講，看著這就知轉到家鄉了：行出車頭，對等車頭這條就係「中正路」，橫槓該條就係「中山路」，這兩條路像魚骨樣仔，串過歸隻通宵庄頭，做得講係通宵現代个大血筋；毋過，跈等時代改變，通宵對發展起事，漸漸个繁榮，乜漸漸分時代淘汰、沒忒。

通宵鄉親个信仰中心，就係信義路項个「慈惠宮」，假使愛起一間宮廟，定著同族群个開墾史當有關係，在地人就喊慈惠宮安做「大廟」；這大廟大約在清朝手个道光時代就起了，經過幾下擺修整、買地還有改建，正有這下个風貌樣相，廟頂有當特殊个剪黏裝飾，值得俚䟓䟓來去看。

對等大廟該片，就係木造市場，民國57年起好該下，就用浸青色个油漆漆到靚妮妮仔。這下有拗蠻多早朝店、點心店取總在這，脣頭該間開了50年有个刷冰店，盡銷頭个就係厥个紅豆冰；市場兩析有賣水煎包、燒餅油條這兜早朝，行落裡背還有三角圓同牛肉麵，對打早就開到透當晝。跈等市場過下去就係通霄个「舊街」仁愛路，世大人都會講新街係信義路，舊街係仁愛路，這兩條路乜同通宵分做通西里過通東里；仁愛路有一細截仔老街，盡多賣雜細个店頭就在這，像開了百過年个松盛商店還有裕豐精米所；過順等仁愛路左手斡，直直透到底，就係虎頭山个蹶山步道了。

通宵頭擺識因為㧡鹽、㧡炭、香茅還過挖礦油，生活過來當好額，街路項同莊下奈就有生理人摎讀書人，新街這跡仔有當多賣洋服个同酒店(就係作家七等生寫着个樂天地還有圓滿)；通宵有一句老古人言：「嫁到通霄去，早慢做到死。」因為這生理異發達，東西異掣市，逐日做到兵挷齒扯，屋下肚不管老嫩大細總下愛停動。

看轉通宵車頭，1922年該下，海線縱貫鐵路在通宵車頭舉行通車典禮，就看得出通宵在海線鐵路有幾重要。雖然這下通宵因為時代轉變漸漸仔沒落忒，毋過順等街路行，就看得出在地族群變遷、商業發展還過開墾个歷史，乜了解通霄這下恬靜个秘密。