立春號｜南臺灣的龍貓隧道

南臺灣的龍貓隧道

旁白:周碩興(饒平腔)

【華語文稿】

沿著屏東115縣道南下，蜿蜒曲折地穿過獅頭社區後，就可以發現這座大葉欖仁高聳直立在兩旁、深邃不見底的的綠色隧道。這條有如世外桃源、被獅頭庄寶藏的道路，幾乎沒有來往的車輛與行人。兩旁高壯粗邁的欖仁樹，簇擁既厚且大的葉片，在路邊緊密地排列著，呵護這近一公里筆直的神祕公路。沒有人車喧嘩，只有蟲鳴鳥叫伴隨著巨葉在空中飄零地擦過枝條的落地聲，以及踏過落葉時劃破的寧靜而沙沙作響的腳步聲。

天氣晴朗時，陽光灑在大過人臉的欖仁葉，發出燦爛的光芒。仰頭看著襯在蔚藍天空的巨大樹葉，是一種賞心悅目的享受；而下雨過後的清晨或黃昏，在清晰的空氣與幽靜的氛圍中行走，是一種心曠神怡的自在。在這綿長的步道裡，路的盡頭是由欖仁樹圍成的半圓型明亮洞口，更被網友號稱這裡是南部版的龍貓隧道。

這條道路早期是獅頭社區通往石頭公園的便道，而在村莊通往石頭公園的便道上，特意於兩旁種植大葉欖仁樹，20年後，矮小路樹變成現在高聳林立、氣勢壯觀的大葉欖仁步道。而步道內的欖仁樹下種有灌木的七里香與變葉樹，四月到九月期間，白色的七里香花更會散發濃郁的香味，飄盪在步道的空氣中。

成排的欖仁樹緊挨著並行的苦楝樹，接著又被台灣欒樹所包圍，各樹種的花期交錯綻放，讓季節變化更有層次。

每年三月春天來臨時，大葉欖仁樹正準備冒出翠綠新芽，四月到十月便會展開成濃密不見盡頭的綠色隧道。到了秋冬季節，樹葉會逐漸轉變成黃、紅色，此時的色彩最為繽紛，接著會在一月時形成短暫的紅色隧道美景，二月葉片轉紅後便紛紛掉落，在步道上鋪滿棕紅色的枯葉，遍地枯枝落葉映在白色天空的寂寥，形成一副台灣罕見的的北國冬景。

 

【客語文稿】

沿著屏東115縣道向南行，彎彎斡斡經過獅頭社區以後，就做得到這座大葉欖仁樹，高高企在深窩毋到底个綠色暗窿个兩唇。這條像人間仙鄉，分獅頭庄囥著像寶个路，做的講差毋多無車輛摎人在這位經過。兩旁唇高大粗蠻个欖仁樹當密排著，保護差不多一公里又直又神秘个公路。無車輛摎人个吵鬧聲，就有蟲仔摎鳥仔个（口委）聲，陪著大葉在空中跌下來鑪著樹桍个落地聲，以及踏過落葉劃破恬靜沙沙滾个腳步聲。

好天个時節，日頭箭過比人面較大个欖仁樹葉，發出金皙皙个光芒，臥頭著襯在藍色天空个大樹葉，係一種當快樂个享受；毋過在落雨過後个清早摎臨暗仔，行在清新个空氣摎恬靜个氣氛當中，係一種分人心情舒爽又自在个感覺。在這當長又自在个步道底肚，路个最報尾係由欖仁樹圍起來半圓形當光个洞口，分網路个朋友安著係南部个龍貓暗窿。

這條路頭擺係獅頭社區透到石頭公園个便道，毋過在這庄頭透到石頭公園个便道上挑試在路个兩旁唇種植大葉欖仁樹，廿年後矮細个路樹變成這下高高企著个大樹，氣勢非常雄頭个大葉欖仁步道。毋過在步到底肚个欖仁樹下，種有矮細个七里香摎變葉樹，四月到九月間，白色七里香个花會發出當醽个香味，飄落在步道个空氣當中。

歸排个欖仁樹，偎著共向个苦楝樹，續著又分台灣欒樹包著，各樹種个花期交叉著開花，讓季節个變化更加有層次。

逐年三月春天來个時節，大葉欖仁樹堵堵愛嚗出青芽，四月到十月葉仔就會開到當密，分人無著綠色暗窿个尾頭。到秋冬个季節樹葉會漸漸轉成黃色、紅色，這个時節色彩最靚，續著在正月个時節，型成短暫當靚个紅色暗窿景色，二月葉仔轉紅後，郎郎律律跌下來，在步道頂高鋪淰烏堵紅个燥葉仔，歸泥下个燥枝落葉襯著白色天空个寂寞，形成一幅在台灣難得看到北方國家泠天个景色。