2021-12-28：下午1點新聞

首先來關心指揮中心開放大家去下載「數位新冠病毒健康證明」个最新消息

中央流行疫情指揮中心表示，因為歐洲聯盟个數位新冠證明係世界通行个標PAIUˋ準之一，

目前全世界有60个國家承認shin-nginˇ這個數位文件，所以台灣在金哺日12月28日朝晨8點開始，

開放進境還有出國个鄉親，做得去衛生福利部个網站下載「數位新冠病毒健康證明」分大家去到歐洲做得順利通行。

另外，昨補日增加16沙確診病例，無增加本土病例，目前這16沙確診病例，全部係在入境檢驗發現出來確診，請鄉親毋使愁。

目前臺灣確診人數做盡來到1萬6千9百31沙，過身个人數也來到850沙。

指揮中心也提醒大家，因為南非變種COVID19病毒OMICRON疫情在國外變動嚴重，

所以請大家遽遽去注射第二支還有第三支預防射，建議12歲以上身體抵抗力不好个鄉親，

假使有注射過一支預防射，相隔28日以上，就做得注射第2支預防射，增加自家个身體保護力。

另外，18歲以上个鄉親，有注射2支預防射超過5著月，就做得去注射第三支預防射，

目前各縣市政府開放臨時注射站，分鄉親不使注文，去做得去注射第二支還有第三支預防射，

鄉親搶愛拿健保卡還有黃卡去做得去注射。
 

最尾來關心今哺日天時个消息

中央氣象局表示，金哺日全台灣係出日頭个好天時，無過好天時只有一日，到了稍早，新竹以北還有東部全部會變成落水个天時，

到了拜四，東北季風冷空氣增強，全台灣个溫度會降到15度上下，無過也因為冷空氣个關係，從這裡拜拜四到下禮拜一以前，

台灣西部全部係出日頭个天時，不過東部還係會落水，所以提醒東部个鄉親，這幾日出外外著水衣還有帶傘兒，出外愛著卡燒暖斗，毋好冷到。