立夏號｜海岸旁的貝石層考古探索

海岸旁的貝石層考古探索

旁白：陳佾玄

腔調：四縣腔

 

【華語文稿】

在一個寒冷的冬天，和朋友騎車赴白沙屯看海，車行不是慣性路線，而是沿著海線隨興而走。因為不是假日，遊客極少，僅有數位山友路經此地。這裡的風沙頗大，冷風吹來，有一股蒼涼之感。車停於山丘前，另一邊可遙望海洋，眼前則是一排枯木，被脫了樹皮，不太粗的樹身白且光滑，但它們仍在冷風中挺立，儼然是天然柵欄，守護著如貝塚的山丘。

山丘的岩層中夾藏著各式的貝類化石，在長度及一個人身的草叢中藏著石碑，上頭標示著─過港貝化石層，根據資料顯示，1935年日本政府依《史蹟名勝天然紀念物保存法》將其命為國定史蹟和天然物保存地之列，所以若想就近撿拾罕見的貝類化石，那可是觸法的哦，若能幸運撿拾一顆完整的化石，拍完照之後，記得輕輕把它放回原來的土地上。

佇立在枯木外欣賞遠處的海景，試想，在千百年前，這一山丘曾經是何種的光景呢？是海底、是沙灘？經過無數的波浪沖刷、風蝕、海蝕才能留下這數不清的貝類化石。在棕黃色的砂岩上，有許多白色的貝類半身插入土中、有全身陷入土中的螺類、有露出頭的雙殼貝類、有橫躺著的介形蟲、有折斷的珊瑚；總之，經過地質的改變、滄海桑田等等原因，在遠古時代要潛入海中才能看到的生態，現在，在這山丘上一覽無遺，而它們的生命永存，令人嘆為觀止。
 

【客語文稿】

佇一个盡寒个寒天，佬朋友騎車去白沙屯看海，車仔毋係行慣勢路線，係跈等海線歡喜來行。因為毋係尞日，遊客盡少，淨有幾位山友經過這片。這位个風沙一大，冷風吹來，寒到分人試著孤栖。車仔停佇小山仔頭前，另外一片做得看到海，眼前係一排燥樹，樹皮脫lud淨淨，無依粗个樹身金金滑滑，毋過佢兜共樣佇冷風中企挺挺，就像係天然柵欄，守護等像貝塚个小山仔。

小山仔个岩層中囥等各式个貝類化石，佇長度有一个人按高个草堆肚囥等石碑，頂背寫等─過港貝化石層，根據資料顯示，1935年日本政府依《史蹟名勝天然紀念物保存法》佬佢加入國定史蹟和天然物保存地名單，故所係想就近拈少見个貝類化石，那使係違法个哦，係做得幸運拈一顆完整个化石，翕相過後，記得輕輕佬佢放轉原來个土地項。

企到燥樹仔脣欣賞遠方个海景，試想，佇千百年前，這片小山仔識係仰仔个光景呢？係海底、係沙埔地？經過幾多个海浪沖來沖去、風吹、雨打正做得留下這算不清个貝類化石。佇泥黃色个砂岩項，有當多白色个貝類半身插入泥兜肚、有歸身都佇泥項个螺仔、有露出頭个雙殼貝類、有睡等个介形蟲、有斷忒个珊瑚；總講，經過地質个改變、滄海桑田等等原因，佇遠古時代要潛xiamˇ入海兜肚正做得看到个生態，這下，佇這小山仔看現現，佢兜个生命永存，分人試著還慶。