2021-10-26：下午1點新聞

首先來關心各部會加碼出籤个消息

臺灣八个部會加碼抽籤，來到第三个禮拜，今哺日朝晨輪到交通部抽國旅券還有下晝个原民會抽I原券，假始有抽到，打殺做得領到1千塊，

今哺日朝晨國旅券抽出來个得獎號碼係身分證最尾號碼：44、34、09、55、35、041

接下來，拜三到拜五，其它6个部會也會輪流抽籤，客委會抽籤係拜四下晝，愛抽出來超過10萬个鄉親，打殺作得拿到500塊个客庄券，

客委會會傳手機信息分有登記抽到个鄉親，另外，客委會提醒，一定愛去振興五倍券官網登記客庄券，才作得參加客庄券2.0个抽獎活動。

客委會提醒，還忙去登記个鄉親愛在10月29以前，遽遽去網路登記，

 

首先來關心台灣疫情个消息

中央流行疫情指揮中心表示，昨補日臺灣增加2沙本土確診病例，1沙確診病例過身，另外也有增加6沙國外轉來个病例確診，這6沙國外轉來个病例係在入境檢驗發現確診，

目前臺灣做盡有1萬6千376沙確診，847沙過身，指揮中心表示，雖然目前臺灣疫情變穩定，毋過全國第二級警戒，還係愛從10月19延長到11月初1，

請大家愛做好防疫措施，戴好嘴暗兒，另外，指揮中心也公布，鄉親在國外注射COVID-19个證明文件，轉來臺灣之後做得申請登記，苟去注射第二支个預防射。

接下來，指揮中心也提醒鄉親，11月初8開始，開放高鐵自由座，大家做得開始用高鐵定TINˇ期票。