2021-07-28：下午1點新聞

首先來關心奧運拿到金牌个最新消息

恭喜台灣，昨補日拿到東京奧運第一面金牌，係郭婞淳存舉重項目，
郭婞淳舉重做盡舉起來236公斤，也創下3項个奧運世界紀錄，
到今台灣參加今年个東京奧運比賽，拿到5个獎牌，分別係1个金牌2个銀牌還有2个銅牌，
銀牌係柔道个選手楊永緯還有射箭項目小男團隊拿到銀牌，銅牌係跆拳道个項目-羅嘉翎拿到銅牌，
桌球个項目係林昀儒、鄭怡靜拿到銅牌，接下來講客廣播電臺會摎鄉親報導東京奧運最新个比賽得獎消息。

首先來關心注台灣疫情个消息

中央流行疫情指揮中心宣布，7月27到8月初9，全台灣從第三級警戒降成第二級警戒，
昨補日台灣新增加16沙covid19確診病例，其中本土病例係增加15沙，國外轉來个病例增加1沙，
目前這位國外轉來个確診病例，係在隔離个旅社發現確診，請鄉親毋使愁。

另外昨補日增加1沙確診病例過身，目前台灣做盡有1萬5千五百99確診，787沙過身，
昨補日增加最多的縣市，第一多个係桃園市个，6沙、第二多係台北市个，5沙，新北市4沙、新竹縣1沙，
中央流行疫情指揮中心也摎大家報告好消息，去年10月底摎國外買个AZ預防射，昨補日下晝苟有58萬2千支个預防射到台灣了，
到今台灣拿到个預防射數量來到948萬3千支。

另外，中央流行疫情指揮中心昨補日下晝2點開放18歲以上个鄉親做得去網路登記注射个意願，
請18歲以上還忙去登記注射意願个鄉親愛據據去登記，這次登記意願也有新增加國產高端預防射，不過高端預防射愛20歲以上个鄉親才做得注射，
總統蔡英文今補日也摎大家公布，蔡總統選个預防射係國產高端預防射，做得分大家參考。