2021-12-16：下午1點新聞

首先來關心台灣疫情个消息

中央流行疫情指揮中心表示，昨補日增加7沙國外轉來个確診病例，這7確診病例全部係在入境檢驗發現出來確診，請鄉親毋使愁，

另外，昨補日毋增加本土確診病例，毋過有增加一沙確診病例過身，過身个人係今年六月初3確診，有慢性病狀況，

6月初4隔離治療，治療2个月過後，8月14解除隔離，11月19過身。目前臺灣確診人數做盡來到1萬6千7百59沙，過身个人數也來到849沙。

指揮中心也提醒大家，因為南非變種COVID19病毒OMICRON疫情在國外變動嚴重，所以請大家遽遽去注射第二支還有第三支預防射，

假使鄉親注射第2支預防射超過5著月，就做得去注射第三支預防射，目前各縣市政府開放臨時注射站，分鄉親不使注文，

去做得去注射第二支還有第三支預防射，鄉親搶愛拿健保卡還有黃卡去做得去注射。
首先來關心全國第二級警戒延長个消息

中央流行疫情指揮中心表示，因為南非變種COVID19病毒OMICRON疫情在國外擴大，所以指揮中心表示，

全國第2級警戒，愛從12月14延長到12月27，請大家出外還係愛戴好嘴暗兒，保護自家也保護其他人。
另外，指揮中心表示，12月14，昨補日開始，鄉親從國外高風險國家轉來，全部愛住集中檢疫所隔離14日，

集中檢疫所出來之後，也愛7日个自主健康管理。從國外轉來个鄉親，做得選三種个21日隔離措施，

有注射過2支預防射个鄉親，就做得選卡輕鬆省錢个方案，這著方案係7日自費防疫旅社、7日居家隔離、7日自主健康管理。

指揮中心也請大家愛遽遽去注第二支預防射，才做得有完整个保護力。

最尾來關心今哺日天時个消息

中央氣象局表示，金哺日全台灣係出日頭个好天時，溫度係26到30度个高溫，這个好天時會持續到稍早，

稍早臨暗，東北季風冷空氣會開始變強，拜六拜日个溫度會降到12度上下，請鄉親愛特別注意。