好事成雙-青少年輔導4

【講客廣播電臺˙　喜歡請訂閱】

hi！你好，歡迎收聽［好事成雙］个節目，亻厓係陳雙。

青少年係亻厓等國家未來个希望，但是現下社會誘惑力真多，以致於分壞人騙，

使得這一些青少年因為要在社會爭生存，動不動都要同人相拼蓋暴力，

上禮拜楊景謀老師分享一个案例，原來電影个情景真實發生在楊景謀老師身上，這一些出問題个青少年，一下綁頭拿毛，一下擲東西，一下又割手，真是得人驚。

擲東西東西壞掉了又要花錢去買，割手又會傷到自家个肉會痛，得不償失啊！

感覺這一些青少年堵到楊景謀老師係蓋幸運个，就像哪吒堵到太乙真人共樣，哪吒在沒堵到太乙真人之前，也係蓋暴力个細囝仔，

但是在經過太乙真人耐心个輔導之下，哪吒正改變回到有正確个想法／行入正常个道路上，反過來講，在現下這一些社工同輔導人員，就係現代版个太乙真人，這一些出問題个青少年就像哪吒。

到底，這一些出問題个青少年經過輔導以後，是會成功或者失敗？轉過來講，這一些出問題个青少年，

在經過輔導之後，一定是要歸到社會，涯等个社會會仰般來看待／對待佢等咧？這一些青少年回歸到社會之後，會堵到麼个事情咧？

好!今晡日，涯等就來同楊景謀執行ziibˋ hangˇ長，來討論現下蓋嚴重个青少年輔導fuˋ toˊ个議題 。現下个青少年在想麼个咧？

聽耶楊景謀老師分享个案例，正知得這一些出問題个青少年，

在歸到社會後，因為社會个認同性太低不要接受，使得這一些青少年又開始自暴自棄又變壞耶，實在心痛。

到底現下涯等个青少年發生問題，家庭／學校／社會／政府這一些方面係發生麼个問題咧？以致於社工同輔導人員佢等努力搶救輔導，仰般會失敗咧？

 

好！今晡日个節目就要同你講８８囉！楊景謀老師［後生仔，到底怎麼了？談青少年輔導］个議題還無前結束喔！下禮拜再來請楊景謀執行長來討論現下蓋嚴重个青少年輔導fuˋ toˊ个議題 。

現下涯等个青少年發生問題，到底在家庭／學校／社會／政府這一些方面係發生麼个問題，準時收聽［好事成雙］你就知耶。８８。