2021-01-06：上午10點新聞

首先來關心日本武漢肺炎个消息

因為英國還有南非个
武漢肺炎疫情緊變緊嚴重，
日本个疫情也動嚴重，
所以日本政府暗算全面停止
外國人申請入境日本，
連盡前有摎日本簽訂商務旅遊
協議个國家台灣、中國、
南韓个11國家也做不得過入境日本。
這著決定可能會持續一個月以上。
另外，英國還有南非个武漢肺炎疫情發生突變个情形，
造成英國這禮拜連續每日確診个病例連超過5萬沙，
全世界也開始發現有英國還有
南非个變種病毒入境到其他國家，
英國政府目前也早就關掉飛機還有航運之外，
現在也暗算愛開始封城，
限制英國个城市做不得交流，
就係愛避免疫情緊變緊嚴重。
中央流行疫情指揮中心也強調，
臺灣一定會加強國外轉來个疫情檢查，
做好嚴格个防範，鄉親不使愁

接下來關心全球武漢肺炎个消息

昨補日台灣新增加2沙國外个病例，
係國外轉來个人，目前台灣做盡有817沙確診，
7沙過身，697沙解除隔離。
另外，看過去全球个武漢肺炎疫情，
確診个人超過八千五百六十二萬沙，
還有超過一百八十五萬沙過身。 
武漢肺炎疫情去年底在中國爆發過後，
有一百九十六个國家受到影響，
到今(gimˋ)武漢肺炎在國外還係凍嚴重。
目前全世界疫情最嚴重个國家係美國，
做盡超過兩千零九萬沙確診，
三十五萬九千沙過身。
另外，印度个確診人數現在超過一千萬零三沙確診，
十四萬九千沙過身，
早就超過巴西个確診人數，
變成(bienˇsiin-)世界第二多確診个國家，
衛生福利部也提醒鄉親國外
武漢疫情真正棟嚴(ngiam-)重，
沒什麼事情盡量不好出國。

最尾來關心今補日天時个消息
 
上禮拜跨年个溫度來到10度以下，
接下來這禮拜拜四到拜六个溫度也會在10度以下，
另外今補日新竹以北个新竹、桃園、
新北市、台北市、基隆還有東部个宜蘭、
花蓮台東會落水，
另外全臺灣个溫度因為強烈个大陸冷氣團報到，
全臺灣會開始落水，
所以鄉親會感覺溫度比上禮拜个6度還狗冷。
提醒鄉親，從天光日開始，溫度會越變越冷，
到了稍案補溫度會到10度以下，
鄉親愛著卡燒暖，不好冷到。