好事成雙-陳功錚先生3

hi！你好，歡迎收聽［好事成雙］个節目，亻厓係陳雙。

上禮拜，陳功錚zangˊ先生，來到節目當中 紹介［作粿食光］這个活動，

聊到客家山歌，講到這个客家山歌，亻厓等客家話最靚个所在就係在尾音，聽起來像唱歌仔，連講這个無好聽／罵人个話，聽起來都蓋生趣．

今晡日，再來繼續同陳功錚先生來聊，紅龜粿紅粄个概念，

那个紅龜粿紅粄祇有在節慶个時節正用到个嗎？麼个時節也可以用到紅粄呢？

紅龜粿，在客家話唸做紅粄就係新丁粄，在祭拜天公、阿公婆（祖先），討心臼祭神、為神靈作壽、廟會敬神…等等个時節，都會看到紅粄，

但是，亻厓等客家人最特別个係，你屋家有添男丁，就會在舊曆十月十五日下元節「拜天公」个時節，會打上一斤的新丁粄來感謝天公伯，

祭天忒了就會將這个紅粄分送分隔壁鄰舍，分享福氣，不過，這个風俗个日仔，各地个客家庄會無共樣。

亻厓等六堆左堆个佳冬有「做福拜新丁」个活動，在每一年農曆1月11日在三山國王廟前廣場搭建這个「福廠」，會請附近个伯公入福廠作鎮，暗晡頭就會拜天公。

1月12日早唇，會用這个九獻禮來祭拜伯公。

再過來，庄項底肚有降倈仔降妹仔个家庭會製作新丁粄，

來到福廠向這个神明來祈福、答謝，祭拜忒了就將新丁粄分送分全庄頭个村民來分享福氣。

好！今晡日个節目就要同你講８８囉！陳功錚先生［紅龜粿紅粄个由來］个議題，還無前結束喔！

下禮拜再來繼續同陳功錚先生來聊河洛同客家共同个地下村長，係麼人呢？ 

好！下禮拜［好事成雙］正來聊喔！８８