好事成雙-陳功錚先生2

hi！你好，歡迎收聽［好事成雙］个節目，亻厓係陳雙。

上禮拜，陳雙邀請到城事行腳創意工作室个負責人陳功錚zangˊ先生，

來到節目當中來向你紹介［作粿食光］這个活動，聊到客家山歌，

講到這个客家山歌，就係亻厓等个客家文化／客家音樂个代表，係一種隨意／口頭个創作吟唱，

最特別个就係想到麼个馬上就可以唱出來，就係人講个＂即興創作＂。

今晡日，再來繼續同陳功錚先生來聊，客家音樂同河洛音樂靚靚个地方在奈位？

音樂部份就這个歌詞來講，以前同現下有麼無共樣个地方呢？

你看厚，亻厓等客家話最靚个所在就係在尾音，就係人講个語助詞，

聽起來像唱歌仔，講起來甜甜軟軟真舒爽／真得人惜，連講這个無好聽／罵人个話，聽起來都蓋生趣，你有感覺麼？

其實，時代無共樣就有無共樣个表現方式，以前个時代傳統又面臨到生存權利或者戰亂，

所以，表現出來都係內斂／含蓄／隱喻／雙關，你要用想像个方式來體會，現下呢係自由社會時代，

所以歌詞个呈現大部份都蓋直接蓋生活化，分人容易了解來接受，你喜歡哪一種个方式呢？

 

好！今晡日个節目就要同你講８８囉！陳功錚先生［紅龜粿紅粄个由來］个議題，還無前結束喔！

下禮拜再來繼續同陳功錚先生來聊紅龜粿紅粄个概念，

那个紅龜粿紅粄祇有在節慶个時節正用到个嗎？麼个時節也可以用到紅粄呢？

好！下禮拜［好事成雙］正來聊喔！８８