好事成雙-陳功錚先生5

hi！你好，歡迎收聽［好事成雙］个節目，亻厓係陳雙。

上禮拜，陳功錚zangˊ先生，來到節目當中 紹介［作粿食光］這个活動，

聊到河洛同客家共同个地下村長就係伯公，隨時保佑你亻厓每一个人，

今晡日，再來繼續同陳功錚先生來聊，還有麼个時節會用耶到紅粄呢？

還有，「乞墓粿」［分醮墓］个風俗？

原來，這个「乞墓粿」，亻厓等客家人喊做［分醮墓、打醮墓、分粄仔］bunˊ zeu mu三種講法，

在以前亻厓等台灣係農業社會時代，有一些人个家因為屋家沒錢，要靠掌牛仔來𢯭手賺錢，

這个牛仔要吃草，所以掌牛哥仔時常會將這个牛仔帶到墓園去放牛仔吃草，但是因為這个牛仔時常會將他人个墓地踏壞tab。

故所，在清明个時節，掛紙祭祀忒了就要放紙炮了，這一些个掌牛哥仔聽到紙炮个聲音就會趕過來，來等待這个墓主來分這个草仔粿、祭品…等等，

你看厚，按仰个用意就係講，希望可以「賄賂」這一些个掌牛哥仔，請佢等要管好自己个牛仔，毋好分這个牛仔庄破壞自家个墓地。

這个「乞墓粿」還有另外一種个講法，就係，以前个大家族，屋家人有人過生，在入葬新墓个前三年、

屋家人有人結婚或者供倈仔，按仰就要「培墓」，要準備紅龜粿、草仔粿、雞仔、鴨仔來祭拜，來感謝祖先个庇佑。

祭拜忒了，就會將這个祭拜个東西分送分附近放牛个人家來吃，這个就係「乞墓粿」［分粄仔］。

因為台灣細細仔無按多个土地，又因為對環境保護个意識提高，

故所，這幾年來，每一个鄉公所都會規劃興建這个［納骨堂］，分大家可以來祭祀方便。

好！今晡日个節目就要同你講８８囉！陳功錚先生［紅龜粿紅粄个由來］个議題，還無前結束喔！

下禮拜再來繼續同陳功錚先生來聊，佢辧［作粿食光］紅粄个製作概念係麼个呢？ 還有，你細人仔時節搞麼个呢？

好！下禮拜［好事成雙］正來聊喔！８８