饒平腔｜魔法的秘密 (十一)

O.S

強尼先生細漢个時屋家畜過賽鴿，因為毋盼得辛苦在比賽个時著傷甚至死撇，知人我以後个佢，極力做一個愛惜動物个奇術師，和愛傳承並分享分大家，續落來故事會仰發展呢？亻恩過來聽續落去！

強尼爸爸

細強尼阿，𠊎當希望你使得和𠊎共款，分屋下个月鴿群，繼續在賽鴿比賽得著頭名。

小強尼

無愛，阿爸，𠊎毋想愛再傷害任何个動物！後擺𠊎愛做一个奇術師，過毋會有任何个動物，因為𠊎个奇術表演來著傷。

強尼爸爸

哈哈哈，這斯毋係一項簡單个事哦！阿爸𠊎斯當想看你會仰脣做哦！

O.S

大漢後个強尼先生，總係細心細意个定期渡大家去醫院做健康檢查，當晝過後所有動物和佢共下在屋脣草坪曬日頭、做運動，分大家充分个運動和充足个滋養。

團長女兒

阿叔，你在該想麼个阿？表演恁精彩，你做麼在該發啄偔？

強尼先生

阿！𠊎仰會在這央時，想到細漢時个事呢？啊！𠊎知了，因為𠊎總試著，若爸團長和𠊎有共款个心神，𠊎等都著迷在觀眾笑聲个魔力，相信這个世上，囥等毋知得个法術，所以𠊎選擇奇術，團長斯選擇馬戲團，𠊎兩儕其實無麼个大爭差啊！

O.S

想通這點後，強尼先生不意想著，若恁呢，團長到底係仰脣个一個人呢？佢和自家最大个爭差又係麼个？

強尼先生

若爸當無簡單，企在大家面前表演，該毋係一件簡單个事，頭腦裡背，長在有歸萬隻蝶子在該飛，還輒輒為著票賣毋出來睡毋落覺，不過呢，𠊎係只要亻恩兜聽到大家个拍手聲和笑聲，所以个辛苦都毋算麼个。

團長女兒

阿叔，你和吾爸講个話像粄印印个！佢講表演較仰辛苦，還係想愛企上舞台頂，享受這種甜蜜个幸福呢！

強尼先生

係無？

O.S

馬戲團表演到半爛燦，布篷肚夏傳來一陣老虎个大喊聲。

團長女兒

壞撇了！小愛起性體咧！

O.S

看到老虎小愛，一步一步接近跌坐地泥个團長，台下个觀眾格格个笑無停。

路人甲

哈哈哈，這應該不係團長挑工安排个笑科齣事吧？

路人乙

斯係啊！佢想愛看大家著驚个樣像呢？亻恩正無恁好騙！

團長女兒

正毋係！這毋係小愛平常時个行踏，𠊎愛較緊阻擋佢正好。

O.S

細妹子想愛撞上台去安貼小愛，夏分強尼先生和佢把核，人類好惦惦个一个動作，盡會嚇驚動物，這央時放惦來看正係盡好个做法。

馬戲團長

小愛乖，𠊎係爸爸阿！你過看較真兜，毋好遣，𠊎自你還係一隻細老虎斯畜你畜到這滿阿！𠊎自了乜毋盼得用皮鞭打你，乜毋識對你喝喝咄咄，你做麼發恁大个性體呢？

馬戲團長

阿，𠊎知了，你係毋係毋想跳火圈？哎呀，毋過觀眾盡合意看老虎跳火圈，這係為著餳大家來看表演个齣事啊，你較乖，等加下爸爸提肉分你食好無？

路人甲

較緊走！該隻老虎跳落棚下，會咬人咧！

路人乙

阿姆𠊎哀啊！

馬戲團長

這下𠊎壞咧！係消息傳出去，馬戲團个名聲斯崩壞，風評跌落深坑，過後會無人來看表演咧。

強尼先生

毋好緊張，較緊躐上去！事情一定有辦度解決。

O.S

布篷肚个觀眾，因為老虎小愛偷走，尖結个喊聲一陣一陣，跈後台撞上來个強尼先生，夏對團長伸出友誼个手，扼住該雙激激顫冷漬漬个手。

O.S

到底，強尼先生和團長，使得順利尋老虎小愛無？小愛个命運又會係仰呢？亻恩來繼續準時收聽，共下關心老虎小愛个下落！