饒平腔｜魔法的秘密 (二)

O.S

前提概要：當愛動物个奇術師強尼先生一个人畜當多隻動物，逐隻動物都係佢上台表演个好伴隊，到底合意動物和變奇術个佢，仰和動物做好朋友，共下表演呢？亻恩過來聽續落去。

O.S

奇術師強尼先生係庄頭項獨獨一個奇術師，佢个演出總係餳細朋友來看，逐擺強尼先生企著戲棚頂變奇術个時，細子群總係著棚下發出窸窸窣窣个聲說。

小朋友A

欸欸，你臆看今晡日係邦尼、兔比？哪隻兔仔上臺表演啊？

小朋友B

𠊎億係邦尼~兔比毋係證表演過麼？強尼先生識講，毋好分細兔子分忒悿。

強尼先生

恁無彩，大家都無臆到，毋過細子人个好奇係好奇術个元素之一，少撇好奇心，麼个過較心色都無係蓋好个奇術，𠊎當歡喜你兜有恁大个好奇心，表演就愛開始了！

小朋友A小朋友B

耶！當期待唷！

O.S

細庄頭个奇術表演，一溜斯係庄肚盡餳人个節目，在當久以前，識有生理人聽著名聲對當遠个大街市，釘工來邀請強尼先生，共下進行世界奇術巡迴演出。

商人

強尼先生，敢講你毋想分世界各地个觀眾看到你神奇个奇術表演係無？

強尼先生

先生當敗勢，𠊎無法度答應你，因為吾屋下个兔子破病了，需要定期分醫生看，所以毋得離屋下忒遠。

商人

麼个？哼！兔子破病有麼个了不得了？𠊎看你係老狗變毋出新把戲！毋敢領受這个天大个任務。

強尼先生

大戇，𠊎知你在該為𠊎喊委屈，無要緊啦，你知無？亻恩等今晡日个奇術當成功，台下有當天細人笑咧。

O.S

對強尼先生來講，佢毋使環遊世界表演，毋使分全世界个人知佢係麼人，斯愛台下个細子合意佢个表演，佢斯試著當滿足，這就係佢留在細庄頭，無嫌煩為庄肚細子變奇術个原因。

O.S

逐日晨早，強尼先生都會渡大戇到公園散步，這日大戇个心情當好，佢為自家係強尼奇術个人員試著歡喜和風神。

大傻

主人講个無毋著，斯愛有一个人合意奇術，恁呢表演斯算成功了！斯愛有一个細子對心肝肚發出暢樂个笑，進前往後使得分全世界發光！𠊎當知這係麼个感覺，斯像係主人轉屋个下 …。

強尼先生

大戇𠊎轉來咧哦，你今晡日在屋下有乖無？

大傻

𠊎當然乖囉！因為𠊎實在忒愛主人咧！所以甘願收忍耐搣衰个心情，乖乖掌屋。

O.S

對大戇來講，強尼先生一轉到屋家，歸屋下黏時光起來，斯在大戇還在該發啄呆个時，忽然間遠遠傳來當急个腳步聲。

小朋友A

強尼先生，毋好咧、毋好咧！庄肚來了一個馬戲團，大家都講佢等个表演比你還較精彩！

小朋友B

著呀！著呀！過毋想辦法，你个生理斯會分人搶走了！

O.S

這愛仰結煞正好呢？強尼先生个奇術表演，正經會分馬戲團搶走係麼？一旦搶走了後，強尼先生又愛仰照顧佢該恁大陣个動物朋友呢？想愛知故事精采个劇情，愛記得準時收聽，正會知馬戲團和強尼先生个故事唷！