2022-02-21：下午19點新聞

首先來關心今暗補１０１大樓推廣阿姆話个消息

今暗６點開始，台北101大樓，會出現５个無共樣个字，來推廣，世界母語日，這五種母語分別有中文、河洛話、客話、阿美族話、還有越南話，假使鄉親有看到１０１大樓今哺日，靚奶奶个燈光，做得遽遽拿手機出來照相，傳到網路摎大家分享，共下來推廣講自家个阿姆話。


最尾來關心稍早天時个消息
中央氣象局表示，前幾日寒流報到，造成全臺灣个溫度降到１０度以下，雖然今哺日全臺灣个溫度有略略而升高到１４度上下，無過，到了拜三，有新个冷空氣下南，全臺灣个溫度又會降到１４度以下，請鄉親愛著卡燒暖斗，無好冷到，氣象局表示，到了拜五，全台灣个溫度才會轉暖。

落水个部份，拜二拜三，全台灣會落水，到了拜四以後落水个狀況才會變少，所以提醒鄉親，拜五以前，出門還係愛著水衣還有帶傘兒。