立冬號｜大湖 到馬那邦山賞林踏青

大湖 到馬那邦山賞林踏青

旁白：陳明珠(四縣腔)

【華文文稿】
對於素有「山城」雅稱的苗栗而言，位於苗栗縣大湖鄉和泰安鄉交界的馬那邦 山（Manapan）是在地人心中最和藹可親的後山，它的親和力包括了：交通易達、一路緩坡、沿途多為高大林蔭不致酷曬，來回約3小時可完成，是一條老少皆宜的健行路線。海拔標高1,406公尺，山頂有著寬廣視野的一等三角點，加上沿途豐富的植被變化，也是著名的台灣小百岳之一。

由馬那邦山北線「上湖」登山口出發，行走至山頂，再取道南線「天然湖」回到登山口，這條傳統北進南出的路線，可以充分體驗馬那邦的山野魅力和人文遺跡。從上湖登山口開始，由桂竹林夾道迎接登山者，一路上多為人工修繕的木頭步道，偶有以現地樹根交錯而成的天然階梯，有時為寬敞質樸的泥土林道，足底一同感受著山徑各異的個性。

馬那邦山經常雲霧繚繞，行走在朦朧的 霧氣中，彷彿融合在山的呼吸節奏裡，心情不知不覺中也舒展了起來。天氣晴朗時，行至馬那邦山山頂，往東可遠眺從雪山主峰至大霸尖山的連綿聖稜線，往南可以俯瞰群山之間蜿蜒而出的大安溪，這條橫跨苗栗和台中間的河川，也是東北季風止步的臨界點。

山頂往天然湖下降的路上，會經過百年以上的自然雜林，林相原始而濃密，附 生在大樹上的崖薑蕨和台灣山蘇花(鳥巢蕨)，遠看就像懸浮在半空中的綠色煙火。而馬那邦山南線特有的人造柳杉林、櫸木林和台灣芭蕉欉，賦予山林時而規律筆直，時而野生奔放的輪廓線。也由於樹蔭高大，行走其中不覺炙熱，透過樹梢灑下的陽光，更顯得溫柔。不同色階的綠意一路療癒著雙眼，耳朵也沉浸在秋蟬交響曲中：蟬鳴在北線是激昂的大合唱，南線則是輕盈的詩歌，才發現蟬種類繁多，音色各有千秋。

關於馬那邦的由來，一說是泰雅族頭目之名，另一說為馬那邦是泰雅族語中「山容壯麗」之意，無論何者為始，都說明了馬那邦山和泰雅族間的深刻連結。在清朝漢人與日本人來台之前，這裡原是泰雅族交通往來與狩獵的山徑。山中海拔1,250公尺的古戰場紀念碑，以及寬敞如籃球場大的日軍軍營，都是彼時日本人為了闢設軍事防線爭奪制高點，與泰雅族激烈交戰的歷史現場。化為幾行文字的殘酷戰事，現已成為登山路線中的象徵地標，以及遊人的中途休憩點。

深秋後，馬那邦山野生的青楓和楓香，將換上橙紅色的楓葉，揮動著季節更迭的旗幟，告訴人們盛夏已被折疊進檔案櫃，附註為無颱風侵襲的一年；孟冬的腳步聲從遠方傳來。
 

【客語文稿】

到大bang仔遶山花 
對一直分人講係「山城」个苗栗來講，位在苗栗縣大湖鄉同泰安鄉合界个大bang仔，係在地人心肝肚盡人行兼个後山，佢个親和力 包含哩:交通利便、歸路个崎毋竳、路項亶亶有大樹仔遮陰，毋會忒 曬，行去行轉乜正3點鐘邊仔定定，係一條老嫩大細都行得个健行路 線。海拔1,406公尺，山頂有視野當闊个一等三角點，還搹路兩片豐富 个植物變化，乜係有名个臺灣細百岳之一。佇大bang仔北線「上湖」 蹶山口出發，行到山崠頂，過行南線「天然湖」轉到蹶山口，這條傳 統北入南出个路線，做得充分體驗大bang仔个山野魅力同人文遺跡。

佇上湖蹶山口起勢，兩片有桂竹林迎接蹶山个人，歸路項亶亶係 人整過个樹段仔山路，不時有樹根生便个天然梯排，成時係又闊又有 老時味个泥仔路，腳底做得感受捯無共樣山路个性質。
大bang仔輒常濛紗煙遮面，行入佢濛濛个身項，像同佢融融共下， 等佢透氣个亟慢，毋多知仔，歸個人心肝華華開，精神清爽。

天時好个時節，行到大bang仔山崠頂，看過東片去，雪山主山到 大霸尖山个聖稜線，橫架佇頭前;看過南片去，穿過一山又一山个大 安溪，就佇下背像一尾龍躘等出去。這條橫橫穿過苗栗同臺中之間个 河壩，乜係阻擋東北季風打入个尾扇牆。佇山頂行矼下，去天然湖个 路項，會經過超過百年个自然雜樹林，無人攪訬个林相，塞弄弄仔， 寄生佇大樹仔頂項个假猴薑同鷂婆爪，遠遠看過去就像浮佇半天高青 青个天花炮。

大bang仔南線特有个人造柳杉林、紅雞油樹林同生到一蒲一蒲个 山芎蕉，變化出山林一時直線直線規規矩矩，一時彎彎斡斡虥酊酊仔个形樣。乜因曾樹高影大，行佇袛肚毋會試捯熱，穿過樹尾箭下來个 日頭絲，看起來還較溫柔。無共樣層次个青，歸路項戽到目珠頂，耳 公乜沉浸佇秋蟬交響曲肚:蟬叫聲佇北線係又雄又亮个大合唱，佇南 線係輕蓮輕蓮个詩，這時節正發現蟬仔種類當多，音色各有特色。

大bang仔个名仔係仰仔來个?有一種講法係泰雅族部落族長个 名仔，另一種講法講係泰雅族話肚「山相壯麗」个意思。無論係奈種 講法，都講出哩大bang仔同泰雅族之間當深个關係。

佇清朝漢人同日本人來臺灣之前，這位原亶係泰雅族出入打獵 經過个山路。山肚海拔1,250公尺項老時相乿个紀念碑，還有大到像籃 球場个日本兵兵營，都係該當時日本人為捯設軍事防線个制高點，同 泰雅族打到當合線个歷史現場。寫做短短幾行字个粗殘戰爭，這下既 經變做遶山花路項个象徵地標，同遶人路項歇睏个所在。

秋下過後，大bang仔頂野生个青楓同紅楓，會換著柑紅色个新衫， 翊等季節變更个旗仔，大家講大熱天既經分人折起來疊到檔案櫃肚 去哩，乜順註明這年無做風颱;冬頭个腳步聲佇遠遠个所在下仔傳過來哩。