立秋號｜擁有各種名字的南北貨店

旁白：丘克少（邱嘉樑）（大埔腔）

【華語文稿】
擁有各種名字的南北貨店

早市總是忙碌又有人情味，在地人來到這裡不會只騎著機車採購，因為不走入市場的精華區塊，就很難買到最美味的客家食材，而若要在老店買到對味的蔭豆醬和桔餅，還得穿過最忙碌的市集區，撥開人群拐進更隱蔽的販售場域，這才可瞧見賣南北貨的老闆忙碌的身影。

這家南北貨店真正的店名叫什麼，很少人知道也沒人關心，每個人都有自己叫法，「巷子裡的那間」、「外面有賣蛋的」、「最鬧熱那條路進去」，不同年紀的人還會分別喊著歷任頭家的綽號當店名。

整家店面就像一處古老的展覽空間，裡面陳列著、外面展示著、上面吊著懸著，家庭主婦想要的調味品、香料和特殊食材，很難不在這裡找到。最神奇的莫過於，這家店提供了幾代人都喜愛的口味，家裡阿公愛吃的醬菜牌子，非得來這兒才找得到，連過年做封肉，阿婆也特別指名要此店的八角。

這家店到底有多厲害？不過是老老實實做生意罷了，祖上怎麼傳下來的就怎麼賣，把傳統發揮到極致。店裡唯一的洋味，或許只有當老闆開著收音機聽英文廣播時，才稍微把人拉回現代。

 

【客語文稿】譯稿：丘克少（邱嘉樑）（大埔腔）
擁有各種名个南北貨店

早市總係無閒又有人情味个地方，本地人來到這項，毋會單淨騎機車來買，因為你若無行入去市場个中心，斯真難買著盡好食个客家食材，若係愛去老店買著對味个蔭豉同桔餅，你還愛行過當無閒个市集，閃避人陣斡入去較裡背个賣場，這正使得看著賣南北貨个頭家無閒个身影。

這間南北貨厥店个店名係麼个，真少人知也無人關心，逐個人都有自家喊法，有人講「係巷笐裡肚个該間」、有人講「外背有賣卵个該間」、還有人講「盡鬧熱該條路斡入去該間」，無共款年紀个人還會喊著前後任頭家个偏名做店名。

歸間店面斯像一位古老个展覽空間，裡背放核个東西、外背展現个東西、上背吊緊掛核个東西，家庭主婦想愛買个調味个、香料同特殊食材，當難無在這位尋著。盡奇怪个該斯係，這間店也有幾下代人總下當好个口味，屋家阿公愛食个醬菜牌，定著愛來這正尋得著，連過年做封肉，阿婆也特別指名愛這間店个八角。

這家店係有幾厲害？毋過係老老實實做生意忒等，厥祖上仰脣傳落來个規矩斯恁泥賣，同傳統發揮到到。店項唯一个鹹水味，可能單淨係在頭家開核收音機聽英文廣播時，正略略同人揪轉來現代。