春分號｜回到過去住一晚吧

旁白：林沛萱(詔安腔)

 

【華語文稿】回到過去住一晚吧

 

新興大旅社發跡於七十多年前，從翻新後的苗栗車站步行，沿著公路走幾個街口，轉入建國街，約三分鐘可抵達。以如今形式多元的旅宿業市場而言，這棟四層樓建築並沒有光鮮的外觀，但卻散發著客家古樸、低調的氛圍，安靜地矗立於時光洪流裡，為行旅之人貼心敞開。從1950年接待南來北往的商客，到2012年加入國際青年旅館，不論是客源或經營模式都歷經不少改變，在傳統中求特色、尋創新，間接地在近年吸引了許多文青與背包客來訪。

變化的是社會節奏，不變的是旅社細心承接每一位旅客的關懷，在前兩代旅社主人的刻苦創立與延續下，如今旅社已交由第三代羅文宜接手管理，開始提供更加豐富的服務。除了素樸、家庭式的住宿空間，亦將過去的冰果室轉化為咖啡館，小小隔間中，隨處可見典雅擺設、灰階照片與古式家具。

他們也積極保留祖輩時代的文化圖像與傳統元素，不論是棉被花、磁磚或傳統電話機等，都不只是一家三代人共同生活的軌跡，更是曾暫駐此地者的共同回憶。旅人若來此，在昏黃燈光、所構建起來的片刻靜定中，將能透過光景的轉換與甜食，撫慰疲倦的身心，也可細緻感受在地文化的澆灌與旅社主人的熱情以待。

 

 

【客語文稿】轉去成過蹛一夜

 

新興大旅社係在七十外年前起个，對翻新了後个苗栗車頭用行个，順著公路行幾下個路口，斡入建國街，大約三分鐘即會用到位。用現時形式多元个旅舍業市場來講，這棟四棧樓建築無真靚个外表，毋過嗄發出著客家古樸、低調个氣氛，恬靜企在時間長河內底，為出外旅行个人真貼心个開著門。對1950年接待來來去去个人客，到 2012年加入國際青年旅館，無論係人客來源抑係經營方式攏經過真多改變，在傳統內底求特色、尋創新，間接个在這幾下年餳真多文化青年和揹包客來拜訪。

變化个係社會節奏，無變个係旅社斟酌承接逐個旅客个關心，在前兩代旅社主人个辛苦創立和維持之下，現時旅社已交得第三代羅文宜接手管理，開始提供擱較豐沛个服務。除了樸實、家庭式个歇睏隔夜空間，嘛拁成過个冰果室變做咖啡館，細細隔間內底，逐位攏䀴會著幽雅个排囥、烏白个相片和古式个家具 。

佢人嘛真打拼保留老輩時代个文化圖像和傳統元素，無論係摺被花、泰魯（缶）抑係傳統電話這兜，攏毋單係一伙灶三代人共下生活个痕跡，擱較係識暫時蹛這个人共下个回憶。出外人若來這，在昏黃个電火光、照映出來个一息恬靜內底，會用透過光景个轉換和甜物，安慰疲勞个身心，嘛會用斟酌感受在地文化个滋潤和旅社主人个熱情款待。