2022-01-31：下午13點新聞

鄉親大自家好 歡迎收聽今哺日三分鐘新聞 厓係西湖个蘇佑昇

首先來關心過年期間个防疫措施

中央流行疫情指揮中心表示，這禮拜四朝晨，台積電、鴻海還有慈濟，三間企業捐贈分臺灣个最尾第十七批BNT預防射91萬8千4百劑，到台灣了，這麼代表，三間企業捐分台灣个1千5百萬隻BNT預防射，全部到台灣了，政府也會遽遽分鄉親注射三間企業捐贈个bnt預防射。
另外，指揮中心提醒，過年期間，係流感流行个時節，目前台灣个本土疫情也變嚴重，發生多著社區感染个事情，所以特別拜託大家，過年期間一定愛戴好嘴案兒，盡量無好去人多个所在，拜年也做無得握手，去到公共場所一定愛登記實聯制，假使身體無爽快，就無好出門，避免互相感染。

指揮中心也表示，因為omicron疫情擴大，還盲去注射預防射个鄉親，像係老人家還有高風險个族群cug²kiun，一定愛遽遽去注射第一支還有第二支預防射，才做得避免感染到預防射過後，變成重病。

指揮中心也宣布，昨補日無確診病例過身，無過昨哺日新增54例確診，其中有14沙係本土病例，40沙係從國外轉來个病例，這40沙分別有8沙係坐飛行機進境台灣檢查出來、32沙係防疫旅社隔離期間檢驗出來，目前臺灣確診人數做盡來到1萬八千7百35沙，過身个人數也來到851沙。

指揮中心指揮官陳時中表示，全世界Omicron个疫情動嚴重，台灣打日入境也有檢驗到omicron个病例，美國只一日就增加超過1百萬沙个確診病例，日本一日也增加超過6萬沙个病例，所以指揮中心拜託大家愛遽遽去注射第三支預防射，才做得增加自家个身體保護力。

最尾來關心過年天時个消息
中央氣象局表示，今補日年29，係過年9日期間，天時最好个一日，全台灣係出日頭个好天時，朝晨溫度最冷係10度上，當晝最熱係23度上下，到了拜二，苗栗以北還有東部會落水，年29、初一、初二3千公尺以上个高山有機會落雪sied-。

提醒鄉親，過年期間，全台灣个溫度最冷會到10度，請鄉親過年期間愛著卡燒暖，出外也愛記得著水衣還有帶傘兒。