立秋號｜在創作个路項：歸鄉重塑人生藍圖，盤思妤用動畫引起共鳴

旁白：黃翠芳（海陸腔）

【華語文稿】

在創作的路上：返鄉重塑人生藍圖，盤思妤用動畫引起共鳴

動畫影片中，絢爛的光影交疊閃爍，隨著故事演進，觀眾很容易就被片中所表達的情緒，喚起心中最深的情感。動畫導演盤思妤的作品就是這麼有魔力，她未滿三十歲，正式入行不過五、六年，曾憑藉大學畢業作品「霓虹」一舉拿下多項設計大獎，隨後更參與許多重要的動畫製作。不過，如今當她談起作品、談起人生，仍懷著一絲靦腆和純真。

興許是自小成長於客家庄，盤思妤就跟大多數的客家人一樣，多以較含蓄的方式表達情感，然而當來到藝術創作這個場域，要將抽象的想法鋪陳於作品之中，就得對外攤開這些情緒。不過，雖然這個過程苦澀，帶來的成果卻無比甜蜜和溫馨。「做動畫的人，很少直接接觸大家反應，但有次在展覽上，有個女生看完我們的作品之後在哭，還跑來跟我說她的感受。那其實是對作品最大的回饋，因為當初是做很個人的東西，我從沒想過能引發大家的情緒，當知道有人跟你有一樣的共鳴，就得到安慰和理解。」

而在盤思妤的團隊所製作的作品中，也不難發現汲取本土生活樣貌的痕跡，像是夜市撈金魚、傳統冰店和老公寓花磚，都是臺灣人最熟悉的場景。盤思妤認為，台灣的文化輸出偏少，尤其在製作動畫這一塊，多數創作者傾向日式或歐美元素，很是可惜。「我們做得跟歐美一樣，卻不可能比歐美更好。」她強調，比起模仿，不如抓緊想傳達的核心想法，如此就算外國人沒有接觸過臺灣文化，也能在理解作品概念時，更認識臺灣。

盤思妤對在地文化和生活的敏感度，來自於從小在楊梅客庄成長的經驗。盤姓本就是臺灣少見的姓氏，盤思妤的家族成員幾乎都相鄰而居，與親戚的孩子互相串門子，大人小孩聚在一起包鹼粽、做酸菜，是她最美好的童年回憶。

「我其實不是特別喜歡吃粄條和鹹湯圓，長大後卻特別懷念客家麻糬，因為台北都買不到真正的『客家口感』。」盤思妤笑著說，直到高中、大學去都會區求學，才發現不是每個人都聽得懂客語，鄉間的生活經驗原來這麼特別。「我像野孩子一樣騎單車在田野間狂飆，還被狗追過，有時候會拔路邊的花來玩。這些感受是我後來做的動畫的元素。」

製作以楊梅為藍圖的家庭動畫短片，一直是盤思妤的口袋計畫之一，然而現階段的她卻還沒有準備好著手，因為每做一部作品，都是一場解決情感衝突的任務，唯有真正鼓起勇氣面對心中的困擾，才可能將之轉化成作品。面對既熟悉又陌生的家鄉和家庭，盤思妤認為自己還需要時間重新體會和認識他們，不論是在離家求學工作七、八年之間楊梅的改變，或是作為女兒與家人之間的相處落差，都得慢慢地去品嚐和接納。

最近，盤思妤回到家鄉定居，她打算從零開始體驗自己生長過的地方。雖然新冠肺炎疫情讓她暫時出不了門，但在家與自己對話、整頓心情，偶爾跟著媽媽學做菜，反而發現新的情感火花。盤思妤保有「初心」地在家鄉開拓新生活，正為接下來的作品鋪展新的足跡。

 

【客語文稿】譯稿：黃翠芳（海陸腔）

在創作个路項：歸鄉重塑人生藍圖，盤思妤用動畫引起共鳴

動畫影片裡肚，花啦必駁个光影緊ngiab，跈等故事演進，觀眾盡簡單就會分影片裡肚所表達个情感，喚起心肝肚最深个情感。動畫導演盤思妤个作品就係恁有魔力，佢吂有三十歲，正式入行正毋過五、六年定定，識靠等大學畢業作品「霓虹」一擺就拿着當多項設計大獎，跈等還較參加當多重要个動畫製作。毋過，這下在佢講起作品、講起人生，還係有一息仔敗勢摎純真。

毋定著係從細成長在客家庄，盤思妤就摎多數个客家人共樣，大部分較無恁直接个方式表達情感，毋過來到藝術創作這個面向，愛摎超現實个想法鋪排在作品裡肚，就愛對外打開這兜情感。但係，雖然這個過程當艱辛，帶來个成果嗄係當甜摎當燒暖。「做動畫个人，盡少直接接觸大家个反應，毋過有一擺在展覽項，有個細妹仔看過亻厓兜个作品過後在該噭，還走來摎亻厓講佢个感受。該其實係對作品最大个回饗，因為該當下係做當個人个東西，亻厓從來毋識想過做得引起大家个情感，就在知着有人摎你有共樣个共鳴，就得着安慰摎理解。」

同時在盤思妤个團隊所製作个作品裡肚，乜會發現吸收本土生活樣貌个腳跡，像係夜市仔撈金魚仔、傳統冰店摎老公寓花磚，都係臺灣人最熟絡个場景。盤思妤認為，台灣个文化輸出係較少个，尤其係在製作動畫這方面，大部分創作者偏向日式抑係歐美元素，當打爽。「亻恩俚做得摎歐美共樣，嗄無可能比歐美還較好。」佢強調，比起模仿，不如抓緪想傳達个核心想法，恁樣就算外國人無接觸過臺灣文化，也做得在理解作品概念該時，還較認識臺灣。

盤思妤對在地文化摎生活个敏感度，係對從小在楊梅客家庄成長个經驗。盤姓本就係臺灣少見个姓，盤思妤个家族成員差毋多都係戴隔壁鄰舍，摎親戚个細人仔互相過家尋尞，大人細仔聚共下包鹼粽、做鹹菜，係佢最美好个童年回憶。

「亻厓其實毋係特別好食粄條摎鹹粄圓，長大了後卻特別懷念客家粢粑，因為台北都買毋着正經个『客家口感』。」盤思妤笑等講，直直到高中、大學去都會區讀書，正發現毋係逐儕人都聽得識客語，鄉間个生活經驗原來恁特別。「亻厓像野細孲仔共樣騎自行車在田野間飆上飆下，還分狗仔追過，有時節會摘路脣个花來搞。這兜感受係亻厓包尾做動畫个元素。」

製作用楊梅作為藍圖个家庭動畫短片，一直是係盤思妤个袋仔肚个計畫之一，毋過現階段个佢嗄還無準備好開始做，因為每做一部作品，都係一場解決情感衝突个任務，斯有正經有勇氣面對心肝肚个攪吵，正做得摎佢轉化成作品。面對既經熟絡又生份个家鄉摎家庭，盤思妤認為自家還愛時間重新體會摎熟事佢兜，無論係在離家求學食頭路七、八年之間楊梅个改變，抑係作為妹仔摎屋下人之間个相處毋共樣个所在，都愛定定品嚐摎接受。

這駁仔，盤思妤轉到家鄉戴，佢按算對零開始體驗自家生長過个所在。雖然新冠肺炎疫情分佢暫時出門毋得，毋過在屋下摎自家个對話、整頓心情，成下仔跈等阿姆學煮菜，顛倒發現新个情感。盤思妤保有「初心」个在家鄉開展新生活，正在該為續下來个作品鋪展新个足跡。