好事成雙-陳功錚先生

hi！你好，歡迎收聽［好事成雙］个節目，亻厓係陳雙。

上禮拜靚靚又有氣質个文學者羅秀玲［若琳江］老師帶你來去文學旅行，

分享佢寫个詩［鄉愁］創作背景boi ginˋ，還有，佢个客語文學創作个理念ngiam，

實在講，羅秀玲老師來佢个客語文學創作个理念就係傳承，

你仰咧講客家話，將你講出來个客家話，用這个筆一隻字一隻字寫下來，這就係客家文化。

所以今晡日陳雙邀請到城事行腳創意工作室个負責人陳功錚zangˊ先生，

來到節目當中來打嘴鼓，向你紹介［作粿食光］這个活動，

來聊聊Podcast／客家山歌，無囉嗦，先來歡迎老師來同大家人簡單紹介佢自家。。

陳功錚zangˊ先生以前係潮州八大森林樂園个總經理，現下係城事行腳創意工作室个負責人，

佢个工作範圍包括了旅遊包套／露營／還有辧傳統个米食、手作个體驗活動…等等，

也係同陳雙共樣係Podcast个主持人，係一位熱情、熱心又得人惜个＂陽光大男孩＂。

講到這个客家山歌，就係亻厓等个客家文化／客家音樂个代表，客家山歌對唐朝開始，到今己經有一千多年个歷史了，

客家山歌主要流行在廣東／福建／台灣有客家人个地方，係一種隨意／口頭个創作吟唱，

一般來講都係七言律詩［七言四句］，就係人講个七字仔，客家山歌个歌詞講求平仄／押韻，

最特別个就係想到麼个馬上就可以唱出來，就係人講个＂即興創作＂。

 

好！今晡日个節目就要同你講８８囉！陳功錚先生［紅龜粿紅粄个由來］个議題，還無前結束喔！

下禮拜再來繼續同陳功錚先生來聊，客家音樂同河洛音樂靚靚个地方在奈位？

音樂部份就這个歌詞來講，以前同現下有麼無共樣个地方呢？

好！下禮拜［好事成雙］正來聊喔！８８