春分號｜自海岸記憶長出的新地景

旁白：劉宏釗(大埔腔)

【華語文稿】

自海岸記憶長出的新地景

 

佇立在永安漁港北岸的全白建築，是永安海螺文化體驗園區的主體「海螺館」。基地面積約5.6公頃，共有兩層樓，大廳一樓為展覽、餐飲販售空間，二樓是半戶外觀景台，自去年落成便吸引許多人前來，亦是觀海、看夕陽的絕佳景點。

新屋作為海客文化的發源地，且永安漁港是全台唯一的客家漁港。海螺館的設計取自過往新屋人的捕魚記憶。以象徵預備出海，漁人所吹鳴的海螺為靈感，想像如置於沙灘上的巨型海螺，化有機紋理為俐落弧線。一旁使用鏽色鋼板打造的空間，則是呈現客家石塭的意象。

整體工程由建築師戴小芹操刀，除融入海洋和客家元素，建築也加入綠設計，像是採取雙層隔熱屋頂、雨水回收系統。藝術家林舜龍在中庭的作品《在海的叮嚀聲中‧誕生》，讓九層風鈴管隨風吹拂，發出清脆聲響。望著日漸西落的夕陽，遙想漁人出海的場景。

 

 

【客語文稿】(大埔腔)

跈海岸記憶生出个新地景

 

企在永安漁港北岸个全白建築，斯係永安海螺文化體驗園區个主體「海螺館」。基地面積大約5.6公頃，總共有兩層樓，一樓大廳係展覽、餐廳販售空間，二樓係半戶外个觀景台，跈舊年落成斯餳來當多人前來，乜係看海、看夕陽盡素絲个景點。

新屋作為海客文化个發源地，因致永安漁港係全台唯一个客家漁港。海螺館个設計採自頭擺新屋人个捕魚記憶。用象徵出海進前，討海人吹个海螺來做靈感，分人愐著盡像放在沙灘項个大海螺，登時同有機个紋理變成有掠个弧線。另外一片使得看著用鐵鹵色个鋼板來營造个空間，斯係體現客家石塭个意象。

整體个工程由建築師戴小芹來擎持，除了融合海洋同客家个元素，建築乜合入環保个綠設計，像係採用雙層隔熱个屋頂、雨水回收系統。藝術家林舜龍在禾埕个作品《在海个叮嚀聲中‧誕生》，上背个九層風鈴管跈風吹拂，發出伶俐个聲響。使得分探頭看著日漸西落个夕陽之時，愐起討海人出海个場景。