立秋號｜為荔枝季畫下尾聲

旁白：劉宏釗（大埔腔）

【華語文稿】

為荔枝季畫下尾聲

冰冰涼涼的荔枝是夏日的幸福，而台灣最北的荔枝林就在新竹香山區，主要產區在南隘、中隘、大湖里等，此區和竹縣寶山鄉相鄰，也因為在金廣福大隘開墾區之南，所以稱為南隘。此處客家族群比例約佔40%，多為早年從竹縣寶山或苗栗頭份遷來。荔枝是亞熱帶水果，太冷會造成寒害，影響生長開花，卻又需要低溫誘導來開花，這樣的天氣需求讓新竹香山成為台灣荔枝最北的產地。

香山的荔枝品種是黑葉（烏葉）荔枝，民國80年代時，台灣99%都是黑葉荔枝，一直到90年代玉荷包才逐間拉高產量。黑葉荔枝產季落在端午節後，約在國曆六月中到七月初。除了種子較大，特色是果肉水分甜度都高且相當具有彈性，香氣濃郁，不只好吃，還適合做成加工品，許多冰品甜點都是使用黑葉荔枝。雖然今年的荔枝遇上缺水，果實可能較小，但甜度會更高。

荔枝樹可以擁有很長的壽命，香山種植荔枝歷史莫約200年，在台灣是非常歷史悠久的荔枝產地，現今的老欉荔枝多在一百多前從福建泉州傳入，至今尚有多棵百年老樹，在蔡厝後荔枝園以及南隘公館處都看得到。

近年市政府也很積極推廣觀光農業，邀請民眾入場體驗，體驗採果樂，享受親子共遊與食農教育，今年因為疫情的關係，只能請大家在市場上直接購買了。然而當吃到了香山荔枝，也意味著台灣荔枝季的尾聲，記得要多吃幾顆呢！

 

 

【客語文稿】譯稿：劉宏釗（大埔腔）

遽遽來坐荔枝季个尾枋車

食冰冰涼涼个荔枝係熱天盡幸福个事，台灣盡北个荔枝林斯在新竹香山區，主要產區在南隘、中隘、大湖里等等，這區同新竹縣寶山鄉相隔壁，乜因致在金廣福大隘開墾區个南片，將恁泥安做南隘。這地方客家族群比例大約佔40%，大致係早年跈新竹縣寶山無斯苗栗頭份徙來个。荔枝係亞熱帶水果，忒冷會造成寒害，影響生長開花，又愛有低溫來誘導開花，斯係愛恁泥个天氣需求，新竹香山正變成台灣荔枝盡北个產地。

香山个荔枝品種係烏葉荔枝，在民國80年代之時，台灣99%做下係烏葉荔枝，直直到90年代玉荷包正漸漸拉高產量。烏葉荔枝產季係在五月節後，大約在國曆六月中到七月初。除了荔枝核較大以外，厥个特色斯係果肉水分甜度高，又有彈性，香氣當醹當足，毋單淨好食，還適合來做成加工品，已多冰品甜點做下係用烏葉荔枝來做。雖然講今年个荔枝堵着缺水，果粒可能較細，毋過甜度顛倒會還較高。

一頭荔枝樹使得當多年，香山種荔枝个歷史大約有200年，在台灣算係拗蠻久个荔枝產地，這滿个老頭荔枝大部分係在百外年前跈福建泉州傳入，既今還有當多頭百年老樹，在蔡屋背後个荔枝園同南隘公館該搭做下都看得着。

這幾年市政府乜當煞猛推廣觀光農業，邀請民眾來入場體驗，體驗採果个趣味，享受親子共下來尞同食農教育，今年因致疫情个關係，孤單淨邀請大家在市場項直接來買。毋過，等你食着香山荔枝个這當時，乜差毋多講台灣个荔枝季愛行入尾枋車咧，大自家記得愛盡量多食加兜哦！