2021-05-23 美濃个開發史(一)

1.主持人引言：

阿豐頭愛來同大家來討論，美濃个開發史。
當然資料唔係阿豐頭尋个、研究个，還係主持人阿豐頭根據專家學者个研究，所整理起來个資料。
所以盡感謝多多个學者專家按煞忙研究寫作，今分日个節目，就由阿豐頭同大家來分享，美濃、龍肚、廣興、中壇、南隆地區个開發史。
 
2. 美濃區

講著美濃開庄，主要係對平定吳福生之亂以後開始。
展開美濃地區開墾个地圖：首先，係對山下開始，就講係美濃本區，美濃本區的範圍包括今天的瀰濃、泰安、東門、合和、中圳、福安等六里。接等，係開墾廣興、龍肚。龍廣區包括龍肚方面的龍肚、龍山、獅山三里以及廣興方面的廣林、興 隆、廣徳三里。
最尾，就係中壇、南隆，南隆地區包括祿興、中壇、德興、清水、吉東、吉和、吉洋等七個里，原為美濃本部落以南的一大片原野。
美濃舊稱為『彌濃』，其地名之由來，有一說為，美濃地方過去的先住民是曹族四社之一『美壟族』的分布之地，曹族就係今價个鄒族，這片講个應該係同一滿高雄三民鄉个卡納布群、沙阿魯阿群。或有可能取自平埔族『瀰力社』與溪名『荖濃溪』，各取一字併成地名。
按呢看起來，阿豐頭感覺沿用鄒族个美壟milong族地名个可能性過大。
不過，涯等也一等好奇，原來个美壟族人走去奈ㄟ？

清雍正十三年(西元1735年)，漢人林姓兄弟自中國來此開墾，籌建土地伯公廟，就係一滿在靈山番羨樹下个美濃開基伯公，其開基碑文上有「瀰濃」等字樣，後定庄名為「瀰濃」，意謂該地以水為源，汲用不息之意。

日據時期(1920)，在台灣个日本人因為懷念山明水秀个故鄉美濃，續將「瀰濃」改名安著「美濃」。所以，今價日本岐阜縣真是有一個美濃市喔！

(1)事件始末到底滿人285年前最早帶人來到美濃開庄呢？
又做麼个會選美濃呢？帶頭開墾个就係，平定吳福生之亂有功，武洛右堆个統領林桂山、林豐山兄弟。
講著這位，就愛先來講一下，六堆出堆平定吳福生民變个歷史，大家正可以過清楚當時个時空背景：雍正十年春三月(西元1732年)，吳福生趁北路彰化大甲西社番亂，就來搶劫攻打鳳山埤頭，舞著鳳山縣境內民生大亂。

當時，六堆客莊推選侯心富做大總理，召集著客家義勇萬過人，合力來阻擋防守，請萬丹八社來防守糧倉。
大清个水師提督王郡同吳福生大軍交戰，客家義民也拚到前線，同大清官兵共下來打敗吳福生个兵眾，全部走就淨淨，就按呢平定著南路。
事平之後，清政府對客家義民從優撫敘，起義个義首授官職為千總，發分佢等官銜證書。
武洛庄統領林豐山、林桂山兄弟也名列其上。

3.龍廣區
續下來，係美濃開庄个第二階段，開墾龍肚同廣興地區。
首先，乾隆二年（西元1737年）與林氏兄弟一同列榜於義民功授千總名單中的涂百清，率領涂、鍾、宋、陳、羅、蕭等六姓二十餘人墾拓龍肚庄。
1737年，鎮平縣个客家先民涂百清，帶領同鄉二十零个人去龍肚庄開墾。
有些學者根據庄民口頭傳說，講起涂百清等人原底對武洛徙出來，就先向東跨過隘寮溪去到大路關（今个高樹鄉關福村），不過个當時大路關這一帶仔還受到平埔族人同福佬人个壓制，甚至直接受到傀儡番个威脅，於是再一擺遷移，伊等就對高樹大路關徙過來，再一擺跨過荖濃溪進入龍肚。

當時个龍肚地區有一個潭，分人安著龍潭，這个潭有支流注入荖濃溪。
涂百清帶等墾民坐等筏仔渡過荖濃溪時，就沿等這條支流進入龍潭，就跨過龍潭登陸北上塘，在北上塘在這開庄。
就因為係渡過龍潭來開庄，所得就將庄名訂為龍渡。

但另有一種講法，因為這个湖安著「龍堵」，這係週邊山林溪水所匯集个地方，這個地方就按呢安著龍肚。
該湖有水流向東北經九芎林注入双溪，因此有地名安著「水流東」。

龍肚北邊北上塘、柳樹塘之間，當時有細山仔浮出水面，遠遠看吶去親像一群蛤蟆在水面搞水，所以有地名安著「蛤蟆漂水」。
龍肚个田地，分做細份田過大份田兩部分，細份田再龍肚庄个北片，地勢過高無水可以灌溉，所以禾仔淨可以在雨季時種，淨可以收一季。大份田个水源充足土地過肥，一年可以收兩季禾仔，就變成龍肚庄主要个生產中心，聽講當時唔會輸過係六堆地區最好个穀倉所在。
老頭擺个六堆人士係講著，奈位田丘過肥、收成過好，就會按呢講：「頭龍肚、次湖肚、再來官倉肚」，湖肚是在內埔，官倉肚則在萬巒。
意思就係講：龍肚最好、過來內埔仔，第三就係萬巒。

可見龍肚个大份田斷真唔會差喔！

4.南隆地區
南隆地區
中壇及南隆地區的墾拓是三大區域中最後才完成的。
此區北半部的中壇一帶情況好一些，南半部由於毗鄰荖濃溪，時常受到洪水沖刷，土壤不易留存，形成一片石崗地。
因此本區開發的年代較美濃和龍肚都落後許多，尤其南隆地區直到日本時代才開發完成。
此區域較早開庄的是由監生李九禮於乾隆十三年（1748）率眾墾拓的中壇庄，在中壇庄東側建立夥房。

後來又往上竹圍方面發展，家族後裔這滿還歇在中壇庄頭同上竹圍等地。
無幾久之後，劉達峰也對瀰濃庄帶來族人，開墾中壇庄西側，因為人數過多所以有起「會屋」，又再起加一間劉屋大夥房，到今當地居民還喊拒「大夥房」，同時又創立「劉開七公嘗」。
李九禮識長期擔任中壇庄个管事，有這監生个銜頭，當時經營榨糖所幾下位，就係種甘蔗、榨糖、煮糖，煮出來个就係黃糖。
開墾初期，中壇這位以種甘蔗園為主。

根據早期个土地契約來看，現今南隆地區北側有一大片土地，其範圍包括今日祿興、中壇、德興、清水等里的大部分，原底係搭樓社番人大邦雅家族个產業。
看起來係大邦雅家族先申請著租權，下後乾隆四十年（1775）大邦雅將大租權用320兩銀子个價數，轉讓給漢人黃仕珍及黃起鳳。
黃仕珍、黃起鳳於乾隆四十年取得肚猴溪河壩地个大租權22年後，又將大租權轉手分郡城陳瑞記，短短23年期間，土地價值對320兩銀，一下仔亢到2400兩銀，將近會有八倍按多，利成hi驚人。陳瑞記承買个番大租「肚猴溪埔」，共有26个業主承租土地耕作。
開墾著南頭河庄及金瓜寮庄、下竹圍庄等庄頭，吸引唔會少原鄉个劉姓宗親前來開墾。

使得大中壇地區劉姓家族聲勢浩大，人講「劉半庄」就係按呢來个。
清末劉氏家族也在此地種植甘蔗設立糖廍，生產蔗糖，劉源春組成「三合和」的組織所經營的糖廍，在金瓜寮一帶擁有龐大田產。

南隆地區開發工作逐漸開展之後，又吸引不少鄰近地區的墾民來此移墾。
以吉洋庄為例，除來自北部客家區如苗栗的謝家，銅鑼的余家、頭份的饒家之外，又有來自美濃本部落的吳家、黃家，來自張屋塘的張家、來自龍肚的蕭家、涂家，來自竹田的涂家、來自大崎下的陳家、來自高樹的楊家、高樹大埔的劉家、來自中壇的劉家，來自內埔和尚林的廖家及檳榔林的賴家，還有福佬移民如來自里港鄉境荖濃溪河床被大水沖毀的村落麻六甲的許家、來自旗山鎮中寮山上的郭家、李家，甚至有來自六龜鄉二坡子的平埔族王家等等，顯示一個新移民村落的特質。

不管他們是北部客（或稱台北客）、下庄客、本地客、福佬人、平埔族，在這裡定居了三、四代人之後，通通都成為講四縣腔客家話的美濃人了。

5.嘗會
講著客家人个開墾，同這个嘗會有相當个關係。
根據文獻調查，清末六堆內埔地區的嘗會數多達 800 個左右。有研究者認為，準價用人口數量及土地面積來計算，美濃還係全國保有嘗會最高个鄉鎮。

美濃地區嘗會可分成「唐山祖嘗」和「開台祖嘗」兩大類。「唐山祖嘗」就像共宗共族合股个事業，通常會用同姓出名遠祖个名諱安名：像這李火德公嘗、蕭何公嘗、劉開七公嘗這兜。
唐山祖嘗在美濃通常被稱為「大嘗」。

係共宗族个人認股集資，來到台灣尋地開墾、耕作、也算買土地，下後再分租分派下子孫來租，每年到這冬至、清明亦算春分時節，來聚會祭祖、食公、公開帳目、分紅，大部分个嘗會會將賺著个錢再拿去買田買土地。
另外一種个嘗田，安著「開台祖嘗」，一般安著「私嘗」或者「細嘗」，像這林瑞源嘗、林長萬嘗等就屬於這類个嘗會。

這兜開台祖嘗，係各家族來台已賺著錢發展以後，再過來成立个本族嘗會，通常由開台祖或其後代在土地分割給子孫時，特別指定一片土地作為祭祖和掃墓基金來源，這種嘗會無股份，後代子孫就用這土地生產所得來祭祖、家族聚會或者提供優秀子弟獎助學金。
不過不管大嘗亦算細嘗，一般來講嘗田做唔得賣分外姓人來耕，限制愛共宗族个人正可以繼承買賣。

6.播放歌曲:

1. 尖尖纏（黃珮舒）、
2. Yes We Can（客委會）、
3. 食茶（羅思容）、
4. 月光光（邱幸儀）、
5. 徙（I-color）、
6. 有咖啡香的山歌（黃珮舒）、
7. 理所當然（吉娜）