2021-06-06 高樹老庄、石獅公傳說

1.主持人引言：

今分日，主持人阿豐頭愛透過高樹老庄同石獅公个故事，帶等大家來認識同了解台灣早期客家先民開墾个生活
 
2. 高樹老庄

老庄个位置係在高樹个中部偏西側,北接大埔村、東鄰高樹村、東南片係長榮村、西南片鄰接鹽樹村,西片隔荖濃溪在過去就係高雄市美濃區。
老庄的地名清朝時屬於港西上里新庄仔,日治時代屬港西上里的東振新庄:民國時代稱為東振新村,光復後分為東興村及東振村,兩村以小份圳為界。

老庄就在這兩村人口集中个區域,今个人有喊作新庄仔、老新庄、老庄、舊新庄等等講法,老庄應該係大清乾隆二年(1737)原籍廣東、福建二省移民，對武洛徙過來高樹地區。

3.土牛

為大家來紹介土牛、石棚。
早期為著保護庄頭,在這樁投个四周圍會用黃泥、石頭來累疊，再用大樹躉頓俾踏實作為圍牆，用黃泥、石卵疊起來个牆就係一般大家講个土牛，石頭過多个安著石棚。

4.護庄深溝

庄民係愛對各柵門經過護城大圳出庄，會探一座吊橋分庄民出入這護城大圳，朝晨頭橋身會放下來，探過護城大圳方便庄民出入，到臨暗庄民入庄歸來以後，這座吊橋就會轆起來，
就像涯等電視頂高看著个一樣。
總講，這座吊橋係活動式个，係有危險隨時就可以轆起來，像1895年佳冬步月樓外个護城河，就大概有3米闊、2米左右深。
大家想像一下，對這護庄大圳看上去，圳溝深會2米，土牛高1米，刺竹高最少都有3米，莫講水暗深、刺竹全刺纏纏共下過唔得人，兩層樓高以上斷真壞攻。

5.外層防守

各柵門外又會設伯公壇，像在老庄个東柵門外就有東興伯公壇,西柵門外有榕堂伯公。
平常晨昏保持有人在伯公壇唱爺聚集，也算得係親像一般學校个警衛室差唔多个意思，可以在敵人來犯个時節，在第一時間發揮防守个功能。

6.內層守護

客家人到底係移民个族群。
莫講在土牛圍牆頂高巡邏个更夫，還有望樓頂高警戒个隘勇，時時刻刻都保持高度个警覺。
一旦敵人打入客家庄頭底背，就會發現過去入庄个路，大概都愛經過唔大條、彎彎曲曲、橫架直架个巷仔，唔識路个外人可能一下半手就走散、行入早就設好个陷阱肚，莫名其妙就分人做歇ㄟ。

7. 石獅公傳說

根據歷史記載，所謂西斜風像台東个焚風，高溫个西斜風害這禾穀唔辦法結穀，好不容易結穀也會變成乓穀，造成粒穀無收，這也係盡傷腦筋个問題。
莫講老頭擺个人，換作今个人又作得樣仔呢？

汝講，水流東時代大家可以開舊圳來蔭田，水流西个時代又再對觸口溪飲水來開新圳解決蔭水个問題。
發大水，一擺又一擺築駁棚堤防堵水，面對這兜天然災害，高樹大路个庄客家先民，就發展出特殊个石獅公信仰文化。
大路關就係這滿个廣興和廣福兩庄，這係六堆个右堆，大路關庄內有三座盡出名个石獅公，安著「大獅公」、「二獅公」、「三獅公」，石獅公个信仰係客家先民來到大路關開墾个時節，祈求庇佑鎮風止煞同豐收。

播放歌曲:

1. 老下午（溫尹嫦）
2. 粄圓歌（陳瑋儒、安書霆）
3. 半心（湯宇歆）
4. 穀雨花（黃佩舒）
5. 菸樓清風（羅文裕）
6. 大小獵人（一好・屴夯）
7. 最靚个阿婆（曾仲瑋）
8. 林頂月光（黃佩舒）