2021-06-13 族群分類械鬥

1.主持人引言：

前面幾集亦有講著，臺灣清治初期先民為著開墾，族群之間个關係舞著一等緊張。
主要个原因包括：土地開墾爭奪、水源个爭奪，以及台灣民變所引起个福佬、客家尷尬。
講起，土地、水源个相爭，大家應該過容易了解。
 
2. 本週議題──族群分類械鬥

福佬人，對於協助大清來平定民變个粵民/客家人，不管係因為同情福佬鄉親、亦算有親朋受著牽連、甚至遭受誅殺，時日久矣自然就累積唔會少个誤會仇恨。
這兜問題亦會因為日常水源、地盤个相爭，變吶越來越嚴重，甚至成為借題發揮个理由。

福佬人會按呢，客家人亦會按呢，借等各種可能來想辦法報復，報這老鼠仔冤仇。
久矣，有兜所在个福佬、客家登常舞著水火不容。

開墾初期為著生存，各族群間新仇舊恨難以化解，所以當時各庄頭，尤其人數過少个客家庄頭，紛紛築起土牛刺竹高牆守護庄頭，族群之間唔係一般个緊張，係非常非常个緊張。
前面所講，全部都係台灣開墾个悲情故事，不管對客家、福佬、原住民都共樣係老頭擺个台灣悲哀。

【紅白廟】

講著阿里港到這滿還尋得著這兩間廟：紅廟、白廟。

這紅廟、白廟講得係同一時間、同一事件起个廟，記錄著大六堆地區客家先民个歷史。
在這大清時期个道光十二年（1832年）閏九月，在台南白河有一人安著張丙，因為受著官商勾結分人冤枉，就帶頭發動民變。
大清時期台灣官府治台無方；所以，張丙一擎啊起反旗，彰化、鳳山一北一南都有人響應張丙來反大清。
許成響應張丙，喊出「將滅粵民」作為口號。

張丙其實係白河張鑑公个後代，祖籍福建漳州南靖梅林坎下，佢阿公在乾隆年間徙來臺灣嘉義縣个店仔口莊（今臺南市白河區白河里、永安里）。
從歷史來看，佢本人應該完全無同許成有過接觸。

許成喊出將滅粵民這个口號，看來係許成伊自家个主張，相當有藉機公報私仇个味緒。
許成這句”將滅粵民”引爆著下後一連串閩客个族群大仇殺。
盡不幸，六堆客家也堵好出了一位想愛藉機仇殺福佬人个李受/李定觀，正造成六堆十擺出堆歷史上最烏暗个一頁。
這件事情做得平和落幕，瀰濃庄客家進士黃驤雲調和處理，貢獻幾多。
 
【張丙事件】

起事當天，有「張丙拜旗」之民間傳聞，拜旗地點在「白水溪北岸的紅土山」(可能係現在木履寮附近之山崙)，當時參與起事的徒眾，議定用「拜旗」的方式來推舉首領，即由每人輪流拜旗，誰能將旗拜立起者便是「真命天子」，那天一大早拜到日頭將落山，輪到張丙拜旗時，只見他一揖恭，旗竟緩緩站立起來(誰知有無動手腳?）眾人驚奇，齊呼「大哥」，聲威震天。

「一日破三關，二日殺府縣」个消息，一時傳遍台灣中南部每一個壁落角，張丙就按呢掀起了台灣反清个熱潮，台灣中南部各地各庄亦己多人響應：北路有彰化个黃城、南路
有鳳山个許成和林海，除了嘉義縣城、鳳山縣城兩處圍攻不下外，其他個地方講得全部都分張丙个徒眾攻佔了。

【事件結尾】

閩中聞變，派陸路提督馬濟勝率精兵兩干到台平亂，十一月底抵鹿耳門，便進兵西港仔、茅港尾，挺進到鐵線橋(台南市新營區鐵線橋)，張丙率二萬兵馬，和馬濟勝在鐵線橋激戰，丙敗陣，季武松、詹通被擒，丙潛逃。

下後，金門、各地个大清官兵，也趕來聯手平亂。
張丙同一班徒眾無奈好走，最尾在十二月分人捉拿，最後張丙、詹通、陳辨、陳連分人押赴京城，以磔刑處決。

播放歌曲:

1. 從頭來過（許仁杰）
2. 今夜（吉娜）
3. 食茶（羅思容）
4. 尖尖纏（黃珮舒）
5. 天光（吉娜）
6. 理所當然（吉娜）