立春號｜飄盪酸香的檸檬樹農園

飄盪酸香的檸檬樹農園

旁白:宋菁玲(四縣腔)

【華語文稿】

沿台1號省道南下，過屏東崁頂剛抵達新埤鄉時，左轉鑽入路旁的小徑，短暫穿過樹林後，就來到這一望無際、白鷺鷥群聚的台糖有機稻米田區。

老實農場就坐落在一偶，放眼一望，盡是爬滿藤蔓的綠色籬笆圍，繞著一排又一排翠綠的檸檬樹，蜜蜂辛勤地在綠牆頂的大花咸豐草花朵中穿梭著。

既使省道中來往的車輛不斷地發出轟轟低喘，也壓不住園內群鳥在枝頭跳躍的喜悅聲。偶而，農運卡車路經旁邊的泥土路，揚起久久不散的塵土，也遮蔽不了成排碧綠的檸檬樹，輕盈優雅地依在兩旁的鋁架上，向空中展開他們綠油油的枝葉，盡情地享受冬天太陽灑下來的溫暖。

「五年前我弟弟跟別人頂下來的」，爽朗的農場大哥蔡太山表示，原主人噴灑的農藥汙染到台糖的有機稻米，被求償150萬後，他弟弟接手改為有機種植。除了原有灌溉與修剪外，還多了割草、堆肥與病蟲害防治的工作。還好有農具機械幫助下，勤奮樂天的蔡大哥一人足以勝任。亞熱帶氣候與排水優良的砂石土，使屏東生產具有獨特酸味與香氣十足的檸檬。

弟弟蔡耀輝則負責將採購的檸檬榨汁冷凍後外銷，讓全世界享受到道地的台灣檸檬風味。而經營老實農場的目的：「最主要就是要做示範點，讓農民明白，不要灑那麼多農藥，也能有果實採收，只是不如一般慣行的採收那麼好。」

 

【客語文稿】

順等臺1 線下南，過哩屏東崁頂正到新埤鄉該下，左斡鑽入路漘个細路仔，穿過短短个樹林過後，就來到這無邊無漘、白鶴仔2取總共下个臺糖有機米田區。

老實農場就佇一隻角頭，遠遠看過去，全係遰淰3藤仔个青色圍籬，捩等一排又一排青莠莠仔4个nén-mòng 樹，糖蜂仔煞猛个佇青牆頂个大花蝦蚣夾5个花肚飛去飛轉。

就算臺1 線頂車仔來來去去鬨鬨袞个聲，乜比毋贏園肚鳥仔佇樹頂踖上跳下6歡喜个叫聲。下把仔，鐵牛車7行過漘頭个黃泥路，塵灰猛壅像散毋開个濛煙，乜幎毋閡8歸排青浸浸个nén-mòng 樹，輕蓮輕蓮憑佇兩片个a-lu-mì 架仔頂，㧯佢兜青莠莠个樹桍閕9到天頂去，盡情个享受寒天日頭箭下來个燒暖。

「五年前吾老弟㧯別人頂下來个」，直道開朗10个農場大哥蔡太山講，原亶个主人噴个農藥汙染捯臺糖个有機米，賠忒150 萬過後，其老弟頂下來改做有機種植。除忒原有灌溉同捎枝之外，還多哩割草、堆肥同病蟲害防治這兜頭路。好得有農用傢啦伙个𢯭手，煞猛樂天个蔡大哥一儕人正做得下山11。亞熱帶天時同排水當好个砂石泥，分屏東生產出特有酸味同當有香味个nén-mòng。

老弟蔡耀輝負責㧯買入來个nén-mòng 水冷凍過後外銷，分全世界享受捯真真實實个臺灣nén-mòng 風味。經營老實農場个目的：「盡主要就係愛做示範點，分農民瞭解，毋使噴恁多農藥，乜做得有果子好摘，毋過無傳統農法種个恁靚定定。」