2022-03-30：下午13點新聞

首先來關心六堆劇場４月初九開演个消息

六堆300年系列慶祝活動，客家委員會特別用社區參與方式，透過專業劇團邀請在地鄉親尋出來在地个故事，邀請鄉親共下演出，演出9个劇本、9个專業劇團、9个在地文化體驗團隊，27場沉浸式劇場演出，全部會在今年4月初9到5月15開始一系列个精彩表演，歡迎大家有閒一定愛來六堆，看全新个六堆庄頭戲劇演出。

接下來關心看火焰蟲還有看油桐花个消息

這麼係看火焰蟲還有油桐花个季節，在四月到5月，係看火焰蟲還有油桐花最好个食節，目前全台灣有12个縣市，做得看到最靚个火焰蟲，講客廣播電台摎大家選出來做得看到火焰蟲个客庄，像係苗栗个仙山、新竹內灣東窩溪、東勢林場、屏東个六堆客家文化園區、花蓮壽豐鄉鯉魚潭。

另外，客委會也推出「桐花花況監測系統」，選定浪漫台三線桃園、新竹、苗栗、台中還有彰化做盡有10个看油桐花个景點，這个系統會透過實地監測環境數字還有及歷史花況，根據當地个天時狀況提供　分愛去看油桐花个鄉親知，避免去到現場看無到最靚个油桐花，歡迎鄉親做得先去於客委會个網站查詢，把握好天時看火焰蟲還有油桐花。