詔安腔｜馬丁瑪莎還有夏婆婆 (十一)

O.S

在這個小鎮內，有一火灶蹛一對阿哥阿妹，阿哥馬丁佮意䀴書，阿妹瑪莎佮意做戲，佢人猶有一個多才多藝个屋邊―夏阿婆。毋過麼儕嘛無想著，夏阿婆少年个時務嗄識做過環球小姐！鬥底環球小姐攏在做麼个事情咧？今日討分享个故事係「麼个？幾時夏阿婆係……(上)」，得人來打探䀴望。

小朋友A

無想著皇冠以外，夏阿婆猶有足多無法度想像个物件！

O.S

夏阿婆直頭提出各種得人目金金䀴个物件。

夏婆婆

這係對日本來个面殼，猶有美國印第安个捉夢網。

小朋友B

阿依哦，猶有鹿角！

夏婆婆

無毋著，這係對冰島來个鹿角。頭尾係非洲鼓，𠊎現場表演一段得大家聽䀴望！

夏婆婆

即像大家䀴著个，當選環球小姐了後，猶愛擔任親善大使，所以𠊎識去到世界各地參加真多公益活動，遐係真新奇擱充實个一年，這兜攏係𠊎遐年个紀念品。

夏婆婆

𠊎遐歸年，一直在食各國美食、試著各地特色个衫褲、寫雜誌專欄、坐飛機飛來飛去，猶不時得人請去各地演講。

小朋友A

小朋友B

小朋友C

哇，足得人欣羨个！

馬丁

夏阿婆，你在遐了後，猶識當選過麼个咧？

小朋友A

𠊎知～食過頭多種類食物个人。

小朋友B

猶有世界上頭無閒个人！

小朋友C

做火星小姐！

夏婆婆

哈哈哈，大家个答案攏真有創意！其實，𠊎研究所讀煞了後，即在一間大公司擔任研究員，了後和對臺灣來个長官結婚，作垺去臺灣食頭路。退休了後在圖書館做志工，你人䀴，這係𠊎个感謝狀。

小朋友A

小朋友B

小朋友C

夏阿婆足厲害个！

O.S

這滿个馬丁，總算知仰子夏阿婆个親戚朋友無多啊，幾時佢係一個澳洲華僑，親戚朋友大部分攏在澳洲。夏阿婆一個人蹛在臺灣，敢毋會感覺孤單？馬丁忍毋會核擎手問。

馬丁

夏阿婆，請問你自家一個人蹛在臺灣，敢毋會思念有袋鼠跳來跳去个澳洲咧？

夏婆婆

臺灣个生活𠊎早即慣勢啊。擱來，這滿有新个頭路，即係愛和馬丁交換日記，𠊎仰子會用離開？

O.S

夏阿婆講煞个時，目珠對馬丁𥍉啊𥍉。

小朋友A

有日記？𠊎想討䀴！

小朋友B

內底有寫祕密無？拜託得𠊎䀴一下。

O.S

這時務个馬丁和夏阿婆對䀴一下，作垺大笑。

夏婆婆
馬丁

哈哈哈，日記毋會用儘採得別儕䀴啦！愛好朋友正會用交換日記哦！