詔安腔｜馬丁瑪莎還有夏婆婆 (二)

O.S

馬丁和瑪莎个阿怙無閒歸晝，屋下小小个魚塘總算做好啊。雖然細，毋過水若灌淰，日頭光照在水面，光點搖停動个時，魚塘即隨變做頭靚个風景。今日討講个故事係「月光下个魚塘(下)」一個有關三個好朋友个故事。

瑪莎

阿依，屋下新摟好个小魚塘正經足靚个，𠊎足歡喜个！

O.S

馬丁歸屋下人當在食飯，這個時務窗門外好定泥傳來一臨搉玻璃个聲

馬丁

夏阿婆，食飽吂？𠊎人个魚塘摟好啊哦！

瑪莎

韶日𠊎人即討去買細尾魚和烏龜，得佢人在魚塘歡歡喜喜尞。

夏婆婆

你人个魚塘，供麼个攏好，和𠊎無關係。來，這係𠊎正炕好个雞卵糕，𠊎囥在窗臺面上，你人提去食哦。

媽媽

哇～恁哪會好意思，馬丁、瑪莎愛拁夏阿婆講麼个？

馬丁

瑪莎

勞力夏阿婆。

O.S

遐暗夜，麼个攏猶吂供个魚塘，水面即像一面平平个鏡，月光即恬靜恬靜倒在鏡面上。

瑪莎

馬丁，遐敢毋係夏阿婆？

馬丁

正經呢，佢仰子企在魚塘脣咧？

O.S

細子佢人䀴著魚塘脣有一個影，斟酌䀴嗄係夏阿婆，佢恬恬䀴魚塘。

馬丁

無定著，夏阿婆係想起真久以前个舊屋嘛有一個魚塘，嘛有月光咧。

小女孩

哈哈哈，大戇鴨，來躐𠊎啊，來躐𠊎啊！

小女孩

唉呦！足疾！阿依，鴨仔啄𠊎个腳，足疾个。

女人

戇細子，麼儕喊你討得鴨仔無歡喜？

夏婆婆

唉，識在足久足久以前，在遐個遠遠个魚塘，可能麼个攏無供；抑係識有過，毋過這滿麼个攏無啊，唉。

瑪莎

夏阿婆䀴起來足孤單个……。

馬丁

即係講啊……

O.S

馬丁和瑪莎猶吂睡，佢人企在灶下邊脣，䀴月光下、魚塘脣，夏阿婆自家一儕企蹛，胖比在佢个腳脣嘛恬恬企蹛。

馬丁

人嘛無法度鬥相共麼个，即較早去睡啦！韶日阿怙即討渡人去買鯉魚和烏龜啊！

瑪莎

足好个！𠊎足期待！

馬丁

瑪莎

夏阿婆，暗安。

O.S

夏阿婆攏毋知，兩個貼心个細子，在遠遠个所在輕聲拁講暗安。

夏婆婆

胖比，人散步了啊，嘛愛轉去啊。這個小魚塘得𠊎想起足多過去个事情。

夏婆婆

𠊎知、𠊎知，你想討轉去屋下啊，人行！

O.S

幾時馬丁和瑪莎屋下个魚塘，得夏阿婆想起細漢時。成過个妹子早即大漢，變做一個佮意狗个老阿婆，毋過若係想起遐段過去的事情，夏阿婆个內心即十分恬靜。鬥底魚塘會迎接麼个新成員咧？得人作垺期待！