詔安腔｜膨尾鼠个天弓(中)

OS

（上集提要）膨鼠和細老鼠跋起雨豆樹崠䀴虹，虹又來消失去，兩儕即開始一路尋虹仰子會產生和消失个答案。接落來會仰子咧？請繼續聽落去。

揚尾仔

嘻嘻嘻，細老鼠這站無䀴著，這站好無啊？

細老鼠

普通普通啦！蛘蜺，你敢知虹仰子來產生和消失个無？

揚尾仔

虹！晨早在西片裡个天崠，𠊎有䀴著哦！

細老鼠

你有影有䀴著？

揚尾仔

有影啦！大大，彎彎，掛在天崠，實在真靚哦！猶有…猶有七種色地。

細老鼠

𠊎正䀴著一兜仔定。

揚尾仔

遐七種色地內底有一色即像𠊎著个衫共款，係紅色个。毋過𠊎毋知佢係仰子來个，嘛毋知佢擱去哪位？

OS

細老鼠真失望，行到陂塘遐擱問烏龜阿伯。路上猶落雭雭雨，細老鼠來到陂塘脣討來尋烏龜阿伯，嗄一直尋無，即大聲喊。

細老鼠

烏龜阿伯！烏龜阿伯！你在哪位啊？

OS

烏龜阿伯對水底探出頭來。

細老鼠

烏龜阿伯！你知虹仰子來產生和消失个無？

龜仔伯

呵呵！細老鼠你問這個好問題哦！歹勢哦，𠊎毋知。

細老鼠

（盡失望敨吔一口氣）「吓！」

龜仔伯

莫擘心！莫擘心！細老鼠你問山阿鵲即知啊。

OS

聽過烏龜阿伯个事了後，細老鼠即走去尋山阿鵲。天氣一下子落雭雭雨，一下子即恬啊，有時弱弱个日頭光對雲空射出來。

OS

膨鼠和細老鼠，即對粄葉樹下一直走到茄苳樹下。

膨尾鼠

（大聲喊）山阿鵲！山阿鵲！

細老鼠

嘻嘻！山阿鵲生到仰子咧？𠊎毋識䀴過佢。

OS

膨鼠䀴一下細老鼠，嘛笑起來。

膨尾鼠

呵呵呵！𠊎嘛毋知山阿鵲生到仰子呢？

OS

鵓鴣飛來歇在草坪上，䀴著膨鼠和細老鼠在遐擘心，向前行過來相借問。

斑鳩仔

咕咕，山阿鵲，𠊎和佢真熟事。

細老鼠

佢蹛在哪位？

斑鳩仔

佢有做一個真大个藪，在真高个鐵塔面上，你人會用去鐵塔遐裡尋。

OS

膨鼠和細老鼠聽著鵓鴣个建議，即對鐵塔个方向走過去。

細老鼠

（敨等大氣講）嘿！嘿！嘿！鐵…塔…到位啊。

膨尾鼠

細老鼠，這鐵塔比雨豆樹猶較高，愛仰子跋起去？

細老鼠

係啊！𠊎細老鼠毋識跋恁高，䀴著這鐵塔恁高，𠊎即軟腳啊。

OS

在膨鼠和細老鼠毋知愛仰子正好个時，山阿鵲飛轉來鐵塔這，䀴著膨鼠和細老鼠在鐵塔矮下一副真失望个形，即飛落來

OS

膨鼠即拁䀴著虹个事情拁山阿鵲講，山阿鵲一聽著即大笑講：

山阿鵲

哈哈哈，好問題，講著這虹，普通來講有七種色地。

細老鼠

哪七種色地？

山阿鵲

虹有紅色、柑子色、黃色、青色、藍色、青紫色、茄色。

細老鼠

嘻嘻！有老鼠色無？

山阿鵲

虹个老鼠色用目珠䀴毋會著。

細老鼠

（失望講）恁哦！

OS

在山阿鵲飛走了後，膨鼠尋著答案啊接落來毋知討做麼个，有一兜仔失落感。

細老鼠

嘻嘻！𠊎知啊，在偎暗進前人在這園區尋虹个色地好無？

細老鼠

嘻嘻！膨鼠，你尋虹个色，𠊎尋虹䀴毋會著个色。

膨尾鼠

無問題。