好事成雙-蔡森泰夥房2

hi！你好，歡迎收聽［好事成雙］个節目，亻厓係陳雙。

上禮拜真歡喜邀請到六堆文化歷史工作者同大武山个守護人員森泰哥哥，

來到節目當中來聊[夥房]个議題，森泰哥哥有講到，

[夥房]係台灣專有个名詞，在六堆正有，[夥房]一定要有第一个細倈仔要共姓，

第二个就係要共姓个三代人住共下，第三个就係要有分家，這三个條件正可以喊做[夥房]。

到底，要有麼个條件正可以起[夥房]呢？

以前讀書个時節，老師教个三合院／四合院同夥房有共樣麼？

還有，身為六堆客家男仔人，最驕傲个事情係麼个呢？。

歡迎森泰哥哥。

原來，這个三合院／四合院係外型个名稱ciinˊ，

正確个名稱要喊做[夥房]，要記得喔！還有，六堆客家个男仔人，

最驕傲个事情就係起[夥房]，保護佢心愛个家人，

講到這个[夥房]，每一个［夥房］前面都有一个禾埕，

這个禾埕仔个功能真多，可以曬穀啦、阿媽曬醬菜啦、老人家打嘴鼓、細人仔搞聊、阿婆種花做盤花敬神、細妹仔相親…等等个地方，

講到這跡位，有分你想起你最懷念／最甜蜜个情景麼？    

好！今晡日个節目就要同你講８８囉！

下禮拜再來繼續同森泰哥哥來聊，到底這个[夥房]係仰呢來个？

[夥房]底背最重要个人係麼人咧？

還有，[夥房]有一个喊做［轉廊］个地方，有麼个功能咧？

公嘗係麼个？伯公係麼个？

好！下禮拜［好事成雙］正來聊喔！８８