好事成雙-陳功錚先生17

hi！你好，歡迎收聽［好事成雙］，亻厓係陳雙。

上禮拜邀請到Podcast節目【啪客頻出聲-講台語啦】个主持人陳玏錚先生來聊，現下係［自媒體時代］，這个自媒體个方式，就係自家計劃／自家記錄／自家錄影／自家傳上去網路，這个自媒體有一種分享个概念，佢个特色就係自然，

簡單來講，就係每一个人都係明星網紅，每一个人都可以勇敢表現自家／自由來表逹自家个意見，但是，要有一个善良【毋好】mˇ hoˋ害人个心態，【絕對】qied dui毋可以做會危害到亻厓等社會秩序ziidˋxi／造成人心个慌亂fongˊ个事情，這係你身為一位成功个網紅要負个責任。

轉過來講，假使你想要做PODCAST，主題決定／單元分段／時間亦多長，這係最基本概念，陳功錚先生也用佢个PODCAST節目【啪客頻出聲-講台語啦】這个節目做為例仔，佢个【啪客頻出聲-講台語啦】節目，就係用（主題設定河洛話／單元分段設定以前亻厓等台灣五六零年代个光景、阿媽阿婆講个諺語、回憶細囝仔生趣个故事、再加上動腦筋揣令仔／時間就設定一集60分鐘），加項起來就呈現出精彩个節目，講到這厚，再來請陳功錚先生來紹介【啪客頻出聲-講台語啦】最受到歡迎个前五名个節目？歡迎陳功錚先生。

 

這个[大道公鬥法媽祖婆]个神話故事，這个大道公就係保生大帝，在亻厓等臺灣个民間傳說當中講：「大道公風、媽祖婆雨」，就係保生大帝同媽祖之間个故事。

 

相傳，本來大道公有意思想要同媽祖結連理，但是媽祖【拒絕】kiˊ qied，這个大道公蓋毋甘願，每擺miˊ baiˋ逐年舊曆3月23日媽祖生日遶境lauˊ个時節，這个大道公佢就施法siiˊ降雨，就係要淋忒limˇ媽祖面項个【胭脂粉】ianˊ ziiˊ funˋ，意思就係講要分媽祖下轎kieu个時節時【壞】faiˋ看，這个媽祖呢佢就記穩來等待時機，在大道公生日舊曆3月15日出巡sunˇ該日呢，就吹起大風要將這个大道公个帽仔吹落，兩人就開始鬥法，這个就係「大道公風，媽祖婆雨」个故事，恁樣　anˋ ngiongˇ你有了解麼，實在真生趣。

 

好！今晡日个節目就要同你講８８囉！陳功錚先生［ Podcast廣播節目製作］這个議題，還無前結束喔！下禮拜再來繼續同陳功錚先生來聊，未來要如何經營【啪客頻出聲-講台語啦】這个節目呢？

好！下禮拜［好事成雙］正來聊喔！８８