立夏號｜有空來百年農會坐坐聊天

有空來百年農會坐坐聊天

旁白：彭月春

腔調：海陸腔

 

【華語文稿】

過去大家對於平鎮中豐路的印象，往往都是平鎮工業區，以及省道台三線來往的砂石車，或者是座落附近的購物大賣場－大潤發，鮮少有人會注意到平鎮農會座落在此處。不過在去年，為了推廣客庄農特產，在農會主管們的創意推動之下，「好農 café」應運而生。

「好農 café」位於平鎮農會一樓，是由原本的農特產品展售中心改裝而成，大面積的落地玻璃窗，結合木質溫暖的裝潢擺設，吸引了許多年輕人的目光，有許多在地年輕人反而是透過這間新設立的咖啡館，才注意到原來平鎮農會長期在在地推廣的業務，甚至認識平鎮的物產特色。

「年輕化、時尚化、在地化，是好農 café 最主要的目標」主要負責規劃的農會總幹事葉思瑋提到，客家的文化以及在地風土的傳承，需要年輕人來共同加入，並且也要想辦法創新，與生活結合，才能創造新的模式，而好農咖啡，就是朝著這樣的目標，重新組合，讓大家透過這樣的概念，認識農會及在地物產。

秉持著推廣的理念，菜單的設計也處處充滿巧思，除了運用在地盛產的米飯、搭配客家口味如梅干菜扣肉料理推出的簡餐外，更具特色是以平鎮特產秈香米製作的米雞蛋糕以及米鬆餅，香Q的特殊口感，讓嚐過的人都十分驚艷，原料 天然無添加，大人小孩都可以安心享用，是店內的熱銷商品。下次經過平鎮，不妨來「好農 café」 打卡拍照，順便添購一些在地農特產品吧！

 

 

【客語文稿】

頭過大家對平鎮中豐路个印象，大體都係平鎮工業區，還過省道台三線來往个砂石車，無斯係附近个大賣場－大潤發，當少有人會注意着平鎮農會在這位。毋過，在舊年，為着推廣客庄農特產，在農會主管佢兜个創意推動之下，「好農 café」就恁樣順勢出品。

「好農 café」在平鎮農會个一樓，係對原本个農特產品展售中心改裝來个，一大片个落地玻璃窗門，結合木質溫暖个裝潢陳列，餳着當多後生人个目光，有當多在地个後生人，顛倒係因為這間新開个咖啡館，正注意着原來平鎮農會長期在在地推廣个業務，還合認識平鎮个物產特色。

「後生化、時尚化、在地化，係好農 café 最主要个目標」主要負責規劃个農會總幹事葉思瑋有講着，客家个文化還過在地風土个傳承，愛後生人來共下加入，還過也愛想辦法創新，摎生活結合，正做得創造新个版樣，好農咖啡就係對等恁樣个目標，重新組合，分大家經由恁樣个觀念，認識農會摎在地物產。

秉持推廣个理念，菜單个設計乜滿哪仔看得着巧思，除了運用在地大出个米飯、搭配客家口味，像鹹菜乾爌肉料理推出个簡餐之外，還較有特色个係用平鎮特產秈香米做个米雞卵糕，還過米鬆餅，香Q个特殊承牙口感，分食過个人都會尋味。原料天然無添加，大人細子都做得安心享用，係店肚當好賣个熱銷商品。另擺經過平鎮，罔落來「好農 café」 打卡翕相，順續仔買一兜在地个農特產品喔！