2022-02-21：下午13點新聞

鄉親大自家好 歡迎收聽今哺日三分鐘新聞 厓係西湖个蘇佑昇

首先來關心本土疫情最新消息

中央流行疫情指揮中心表示，上禮拜有去公費預防射祝文平台登記成功个第23期鄉親，指揮中心會在今哺日到2月27之間，全部會分大家去注射，指揮中心表示，這次第23期个鄉親有76萬沙，請這斗鄉親一定愛準時去注射。
另外，這次搶有分愛注射第三隻預防射个鄉親去注射，假使鄉親愛注射第一隻還係第二隻預防射，愛另外去地方衛生所登記注射。

另外，指揮中心也宣布，因為omicron个疫情，造成過身个狀況，沒恁嚴重，另外，台灣也持續分大家注射第三支預防射，所以暗算調整隔離期間个措施，像係隔離，做得變成10日居家隔離，還有7日自主健康管理。

不使像以前，一定愛住7日防疫旅社、7日居家隔離、7日自主健康管理。
不過新个防疫措施，10日个居家隔離，一定愛符合1人住一間屋，加使無辦法1人住一間屋，進行10日个居家隔離，就一定愛花錢去住防疫旅社。這个隔離新措施，最快會在3月15左右開始。
指揮中心也宣布，昨補日無確診病例過身，不過有增加70例確診病例，其中有4沙係本土病例，66沙係從國外轉來个病例，這66沙分別有24沙係坐飛行機進境台灣檢查出來、42沙係防疫旅社隔離期間檢驗出來，目前臺灣確診人數做盡來到2萬零7沙，過身个人數也來到852沙。指揮中心表示，因為本土疫情擴大，大家一定愛戴好嘴案兒，盡量無好共下食飯，去到公共場所一定愛登記實聯制，假使身體無爽快，一定愛先去社區檢驗站檢驗，結果係陰性才做得去做事，避免互相感染。
接下來關心世界母語日个新聞
今哺日係世界母語日，客委會抖宣傳2月21日个世界母語日，客委會邀請到總統蔡英文，用河洛話、原住民話、客話，邀請大家共下講阿姆話，講客廣播電臺也會在今哺日有一系列精采个世界母語日个節目，歡迎大家收聽，接下來聽一下蔡總統宣傳世界母語日个聲音。